Villafrancako Jardunaldi Barrokoak

Minimalismoa gustuko ez baduzu, kontrakoa baizik, hemen duzu estilorik nabarrenean sakontzeko aukera ezin hobea: barrokoa.

Eta non egin dezakezu? Villafrancan, Nafarroako Erriberako herri batean. Gainera, askotariko jarduerez beteriko asteburua eskaintzen dizu: gastronomia, azoka, zalgurdizko ibilbideak, musika, haurrendako tailerrak eta, jakina, herriko barrokoari buruzko hitzaldiak eta bisita gidatuak.

Zatoz Villafrancara, eta aprobetxatu aukera Erriberako barazki ospetsuez gozatzeko edo Nafarroako beste mugarri turistiko batzuk ezagutzeko, hala nola Bardeako basamortua edo Tutera.