Erriberriko Erdi Aroko festak

Erriberrin Erdi Aroko asteburu bat bizi nahi duzu? Aprobetxatu aukera, hiriak festa jantziak jarriko baititu Vianako Printzearen jaiotzaren 600. urteurrena (1421-2021) ospatzeko.

Hainbat ekitaldi izanen dituzu zain: Erdi Aroko desfilea, zuzeneko literatura eta musika, antzinako azoka, haurrentzako tailerrak, ginkana, bisita gidatu antzeztuak eta argazki lehiaketa bat; har ezazu parte!

Eta, horrekin guztiarekin batera, hiriko ostatuek eta tabernek gosea eta egarria asetzeko eskaintzen dituzten elikagai bikainak daude. Establezimendu horiek une oro betetzen dituzte COVID-19aren aurkako segurtasun-neurriak.