Gereziaren Eguna

Milagroren nortasun-ikurra, zalantzarik gabe, gerezia da. “Pinta" barietatea da preziatuena eta kalitate handienekoa. Gogorra, oso gozoa eta kolore bizikoa da, eta merezitako ospea du. Nafarroan gerezi gehien ekoizten dituen herria da: ia 400.000 kilo urtean. 

Ekainean, uztarekin batera, “Gereziaren Eguna” ospatzen da. Egun horretako egitarauaren jardueren artean daude kirola, postre-lehiaketak, artisautza-azoka, urrezko gerezia emateko ekitaldia eta, batez ere, fruitu bikain horren dastaketa.