Olentzero

Abenduaren 24ko gauean, Olentzero eguberrietako ohituren protagonista bihurtzen da: opariak ekartzen ditu etxeetara. Panpina bat da, ikazkin zarpail, jator eta moxkorti baten itxurakoa (batzuetan pertsona bat mozorrotzen da). Aulki batean dago eserita, eta baserritarrek ekartzen dute menditik Jesusen jaiotza iragartzera. Batzuetan Mari Domingi izaten du ondoan.