Udako bisita gidatuak Baztan-Bidasoan

Nahi guztietarako bisita gidatuak ingurune ikusgarri batean, Baztan-Bidasoa eskualdean: freskura, berdea eta postal batean agertzeko moduko herriak! Ba al dago gehiago eskatzerik? Bada, egutegi eta ordutegi finko bati loturiko bisitak dira, askotarikoak, eta bikainak ibar hauetako eskaintza osatzeko: leize hunkigarriak, Bertizko Jaurerriko Parke Naturala eta Baztango herri kutunak.

Espeleologia, bidexkak Bertizko basoaren barrena, Amaiurko historia ezagutu, Elizondo eta gaztandegi bat bisitatu, Zugarramurdi eta historiaz beteriko bere etxeak ezagutu, edo paseoak egin zaldi gainean. Zeuk aukeratu!