Turismoak 680.000 eurorekin lagunduko du Nafarroako turismoko ETEen lehiakortasuna hobetzen
Kultura, Kirol eta Turismoko kontseilariak Nafarroako turismoko ETEen lehiakortasuna hobetzeko dirulaguntzen deialdi baten oinarri arautzaileak onetsi ditu. Deialdiak 680.000 euro ematen ditu.
Zehazki, honako hauek lagunduko ditu diruz: instalazioak erreformatzea irisgarritasuna hobetzeko;
hobekuntza-obrak turismo-establezimenduen kategoria handitzeko edo mantentzeko; azpiegituren egokitzapena zikloturistari zerbitzuak eskaintzeko; eta gaua igarotzeko eremuak egokitu edo sortzea, turismo-establezimenduen osagarri. Halaber, jasota dago garapen teknologikoko inbertsioak eta altzarien eta ekipamenduaren erosketa finantzatzea turismo-establezimendu, bidaia-agentzia eta turismo aktibo eta kulturaleko enpresentzat.
Gehieneko dirulaguntza 35.000 eurokoa izanen da enpresa onuradun bakoitzeko. Eskaerak aurkezteko epea dirulaguntza honen deialdia Nafarroako Aldizkari Ofizialean argitaratzen denean hasiko da. Hala ere, navarra.es web-atariko izapideen katalogoan kontsulta daiteke laguntza horiekin lotutako dokumentazio guztia.