Kultur (ekainaren 24tik irailaren 9ra)

Nahiko zenuke antzokietako ohiko butaka baztertu eta kontzertuak, dantza-ikuskizunak eta beste arte-adierazpen batzuk bestelako agertokietan ikustea? Hori uda oro gertatzen da Nafarroan Kultur programari esker. Izan ere, emanaldiak natura- eta ondare-intereseko eremuetara eramaten dira, hala nola basoetara, monasterioetara, gazteluetara, tenpluetara eta herri ederren alde historikoetara.

Ega Jazz Jaialdia (ekainaren 29tik uztailaren 1era)

Ega Jazz Jaialdiaren eskutik iristen da musika-estilo horren zaleentzako hitzordu ezinbesteko bat. Lizarra urrezko urteetako musika sinkopatu horren inprobisazioaz eta berezko soinu-nortasunaz betetzen da melomano amorratuenen gozamenerako. Goza ezazu jazzik onenaz ingurune paregabe batean!

Elkarguneak Jaialdia (uztailaren 12tik 15era)

Lizarratik atera gabe, Elkarguneak Jaialdia ere izango duzu atsegingarri. Tinko eusten dio tradizioa, bilakaera eta sormena dinamizatu eta bultzatzeko apustuari. Diziplina anitzeko kartel bat eskaintzen du, musika, zinema dokumentala eta antzerkia uztartzen dituena. Bestelako kontzeptu bat, tradizioa eta bilakaera bat eginda. Ekitaldi askotarikoa, soziala eta didaktikoa, Nafarroako Kultura eta Arteen Kontseiluak interes sozialeko ondasun deklaratua.

Erriberriko Antzerki Jaialdia (uztailaren 21etik abuztuaren 6ra)

Uztailaren erdialdean, Erriberri protagonista bihurtzen da. Izan ere, kale harriztatuek eta Erdi Aroko jauregiak urte osoan liluratzen bagaituzte, hango antzerki-jaialdia ezinbesteko hitzordua bilakatzen da arte eszenikoen zaleentzat egun horietan. Erriberriko Antzerki Jaialdiaren edizio berriak ikuspegi sozial eta garaikidea aurkeztuko du, zeinak antzerkia, dantza, prestakuntza-tailerrak eta sormen-egoitzak elkartuko baititu. Gainera, egoitza berri bat izango da aurten, Tafallaren eta Beireren osagarri: San Martin Unx. Azter ezazu programazioa, eta lortu sarrerak denborarekin. 

Zubizapean Jazz Jaialdia (abuztuaren 12tik 26ra))

Hauxe agertokia: udako gau izartsu bat, paregabeko zubi erromaniko eder baten azpian, jazz-saio bat zuzenean... Itxura ona, ezta? Musika ona, artea eta historia atsegin badituzu, aukeratu eguna, etorri Garesera eta hartu eserlekua Arga ibaiaren ondoan, herriko izarra den zubiaren azpian, Donejakue bidearen bihotz-bihotzean. Esteka honetan duzu informazioa. 

Flamenco On Fire (abuztuaren 18tik 27ra)

Jaialdia zorioneko dago, hamar urte bete baititu sendo-sendo Nafarroako udako agendan. Hamargarren edizioan, hala figura ospetsu-ospetsuek, hala nola Miguel Povedak edo Estrella Morentek, nola sortzen ari diren artistek beteko dituzte berriro kaleak eta agertokiak palma, cante eta gitarraren erritmoan. Askotariko programazioa, kontzertuak, hitzaldiak eta doako emanaldiak, besteak beste, eskainiko dituena, Iruñean, Tuteran eta Vianan. Hona hemen ekitaldien egutegia, bete-betea. Olé eta olé. 

Lizarrako Antzinako Musikaren Astea (irailaren 2tik 10era)

Itxi begiak eta joan antzinako Europara, nola eta tokian tokiko antzinako musikarik onena entzunez. Antzinako Musikaren Astea Nafarroako Gobernuak antolatutako programa finkatuenetako bat da. 54. edizioa irailaren 2tik 9ra izango da, eta, aldi berean, Antzinako Musikaren Azoka eta Nazioarteko Topaketak (FEIMA) egingo dira, 4. edizioan.

Harresien Jaialdia (Abuztua. Berretsi beharreko datak)

Nahiago duzu harrituko zaituen udako plan bat? Orduan, Iruñean duzu hitzordua, Harresien Jaialdiaren eskutik. Zirkoko emanaldiak, dantza, musika... Eta atze-oihal gisa, Ziudadela, eremu harresitu errenazentista ederra. Sarrera doan da, gainera, aretoa bete arte. Laster izango duzu informazio guztia esteka honetan. 

Zer iruditzen? Baduzu non aukeratu! Nafarroan uda honetan ditugun proposamenetako batzuk baino ez dira horiek. Egunean egon eta guztiaren berri izan nahi baduzu, jarrai iezaguzu sare sozialetan eta harpidetu gure newsletterrean. Nafarroa esku-eskura izango duzu!