Ikusi Nafarroako mapa Googlen

Zuk aukeratu nola mugitu

Nafarroatik Madrilera joateko, hegaldi zuzenak daude egunero, eta Espainia iparraldeko hirietara joateko, trenak; baina hegoalderantz jotzen badugu, Madrildik edo Zaragozatik joan behar dugu. Autoz edo motoz bazatoz, jakin errepide sareak egitura erradiala duela eta Iruña dela erdigunea; komunitatea bisitatzeko oso aukera erosoa da.

Eta ibilgailurik gabe iristen bazara Nafarroara, lineako autobusak erabiltzen ahalko dituzu; oro har, konexioak onak dira, baina Pirinioetara joateko zerbitzuen maiztasuna txikiagoa da. Edonola ere, beti hartzen ahalko duzu taxia, edo auto bat alokatu.

Volkswagen California laranja
  • Autoz

    Errepide sareak egitura erradiala du; erdigunea Iruñean dago, eta bertatik ateratzen dira komunitateko hainbat tokitara joateko bide nagusiak.

    Nabarmentzekoak dira komunitatea iparraldetik hegoaldera zeharkatzen duten eta Espainia Europarekin konektatzen duten errepideak eta ondoko hiri garrantzitsuenekin lotzen gaituzten autobiak (doako errepideak).

    Distantziak Iruñetik hiri hauetara:

    • Donostia (82 km), Gasteiz (97 km), Bilbo (155 km)
    • Donibane Garazi (81 km), Baiona (134 km)
    • Zaragoza (179 km), Logroño (85 km)
    • Madril (405 km), Barcelona (430 km), Valencia (487 km)

    Informazio interesgarria:

  • Trenez

    Egunero daude tren zuzenak hiri hauetara: Donostia, Irun, Gasteiz, Zaragoza, Tarragona, Lleida, Bartzelona, Madril, Xixon, Uvieu, Palentzia eta León.
    Halaber, astean behin baino gehiagotan, lotura zuzenak daude Burgosera, Coruñara, Ourensera eta Vigora.

    RENFEren geltokien artean, hauek dira Nafarroako garrantzitsuenak:

    IRUÑA Geltokiko plaza z.g. 31012 Iruña (9. linea: linea honek geralekua dauka tren geltokian)

    TUTERA Geltoki plaza z.g. 31005 Tutera


    Informazio interesgarria:
    . Informazioa eta txartelen salmenta: www.renfe.com 912 320 320;  thetrainline 
    Aplikazio interesgarriak
    . Bizikletak eramatea: kontsultatu Renferen jarraibide espezifikoak.

  • Autobusez

    ESTATUKO ETA PROBINTZIAKO ZERBITZUAK

    Hogei bat autobus konpainiak lotzen dute egunero Iruña estatuko eta eskualdeko hiri askorekin (Bartzelona, Madril, Valentzia, Murtzia, Bilbo, Donostia, Gasteiz edo Logroño), baita ,mugaz bestaldeko zenbait herrirekin ere (Baiona, Hendaia, Donibane Lohizune edo Donibane Garazi). Bisitatu webgunea eta ezagutu ibilbide guztiak.

    IRUÑEKO AUTOBUS GELTOKIA
    Yanguas y Miranda kalea 2
    948 203 566: helmugei, ordutegiei eta tarifei buruzko informazioa.
    Webgunea: www.estaciondeautobusesdepamplona.com


    IRUÑEKO ETA ESKUALDEKO HIRIKO GARRAIOA

    . Kontsultatu lineak, ordutegiak eta maiztasunak
    . Nola iritsiohizko helmugetara: geltokiak, interes turistikoko guneak, osasun zentroak, negozioak...
    . Deskargatu Tu Villavesa aplikazioa (iOS eta Android gailuetarako eskuragarri)

  • Hegazkinez

    Iruñeak Noainen dauka aireportua (hiritik 6 kilometrora), eta Iruña konektatzen du Madrilekin (Iberia) eta Kanarias  (Binter); eta, udan, Balearretako zenbait uharterekin.

    IRUÑA-NOAIN AIREPORTUA (aireportuaren webgunea)
    Iruña-Zaragoza errepidea 5. km, 31110 Noain
    Telefonoak: 902 404 704 / 913 211 000

     Aireportura joatea eta handik itzultzea:
    Taxi zerbitzu publiko bat dago; ordutegi finkoak ditu, eta Sarasate pasealekutik ateratzen da, eta bertara itzultzen da. Egin erreserba aldez aurretik: 948 232 300 / 948 351 335. (informazio gehiago)

    GERTUKO AIREPORTUAK

    Inguruko 6 aireportuetatik (80-250 kilometroko erradioan), konexioak daude egunero Espainiako hiri nagusiekin, bai eta Frantziako, Alemaniako, Irlandako, Erresuma Batuko, Belgikako, Italiako eta Portugalgo hiri nagusiekin ere.

    Bilbo (170 km) informazio gehiago
    Donostia (96,2 km)  informazio gehiago
    Santander (250 km)  informazio gehiago
    Gasteiz (101 km) informazio gehiago
    Zaragoza (172 km.)  informazio gehiago
    Biarritz (128 km) informazio gehiago

  • Motorrez

    Bidaiatzea gustatzen bazaizu eta gainera zure pasioa motorra bada, Nafarroak zure ametsak egia bihurtu ditu, Navariderri esker; egitasmoak motorrean egiteko 10 ibilbide sortu ditu, Nafarroa iparraldetik hegoaldera ezagutzeko. Gozatu kulturaz eta historiaz beteriko paisaia ibilbideez eta eskualdeko gastronomia aberatsaz, eta jakin hemen aurkituko duzula penintsulako iparraldeko zirkuiturik onena: Nafarroako zirkuitua (Los Arkosen)

    Kontsultatu hemen Navariderrek proposatutako ibilbideak eta jantzi kaskoa, motorra orroka hasi da eta; errepidea zain daukazu.

  • Autokarabanaz

    Autokarabanaz edo beste etxebizitza ibilgailu mota batez bazatoz, Nafarroan zer aukera dituzun kontatuko dizugu.


    KANPINAK

    Nafarroak 25 kanpin ditu lurralde osoan zehar. Herri politetatik gertu edo baliabide turistiko interesgarrien ondoan daude, eta hainbat zerbitzu eta naturan egiteko jarduera ugari eskaintzen dituzte, zure egonaldiaz ahalik eta gehien eta erosoen eta mugarik gabe goza dezazun. Kontuan izan behar duzu, gaur egun, ez dagoela autokarabanek bakarrik kanpatzeko gunerik.


    GELDITZEKO ETA APARKATZEKO EREMUAK
     

    • Eremu hauek autokarabana gelditzeko, uzteko edo aparkatzeko prestatuta daude, baina debekatuta dago bertan kanpatzea.

    • Eremu gehienetan ur beltzak eta grisak husteko sistemak daude, bai eta beste zerbitzu batzuk ere, hala nola ur  eta elektrizitate hargunea.

    • Funtzionamendu arauak jasotzen dituen informazio panel bat dute.

    • Udalak kudeatzen ditu, eta udal ordenantzen bidez arautzen dira.

    • Honako plaka honekin identifikatzen dira:

             

       Zehaztapenak, jardueraren arabera:

    Gaua igarotzea: denbora labur eta mugatuetarako baimentzen da (eremuko edo aparkalekuko arauen arabera).
    Autokarabanako elementuak zabaltzea (aulkiak, mahaiak eta toldoak ateratzea, sabaiak altxatzea, leihoak/sabai leihoak irekitzea...): ibilgailuaren perimetroa gainditzen ez bada bakarrik baimentzen da.
    Altxagarriak erabiltzea: debekatuta dago, malda handiko aparkalekuetan izan ezik.
    Substantziak eta hondakinak isurtzea (gasak, ur garbiak, grisak edo beltzak): ihes hoditik ateratzen direnak bakarrik baimentzen dira.
     

    APARKATZEKO ZER EREMU DAUDE NAFARROAN?

    • Jarraian, zerbitzu hori daukaten udalerriak aurkeztuko dizkizugu, iparraldetik hegoaldera eta 4 eremutan antolatuta. Bakoitzean klik eginda, argibide gehiago ikusiko duzu.

    - Pirinioak: Agoitz / Izaba / Uharte Arakil
    - Iruñerria: Iruña  /  Berriozar
    - Erdialdea:  Arroitz  /  Aiegi  /  Erriberri  /  Viana
    - Erribera: Arguedas  /  Faltzes

     

    APARKATZEKO BESTE AUKERA BATZUK

    Autokarabana aparkatu nahi baduzu, besterik gabe, aipatutako eremuetan aparkatzea gomendatzen dizugu. Era berean, bide publikoan ere aparka dezakezu, beste edozein ibilgailu bezala, baldin eta ez badago autokarabanak aparkatzeko debeku espresurik.

  • Autoak alokatzea eta taxiak

    Hemen, autoak gidariarekin nahiz gidaririk gabe alokatzeko enpresen harremanetarako datuak aurkituko dituzu, eskualdea zure erritmoan ezagut dezazun.

    Kontsultatu Nafarroako taxien zerrenda, garraio publikoarekin iristeko modukoak ez diren herrixkak bisitatzeko.

Eta, gure errepide eta bideetan ibiltzeko, bizikleta ekarri baduzu...

Eta, gure errepide eta bideetan ibiltzeko, bizikleta ekarri baduzu...

Ikusi Nafarroaz bi gurpilen gainean gozatzeko aukera guztiak dituen web-orria.