Nafarroan, edozein tokitara zoazela ere beti izanen duzu turismo aktiboaz gozatzeko aukera.
Paisaia desberdin ugari dagoenez, Foru Komunitatea berebiziko espazioa duzu zure kirolik gustukoena praktikatzeko naturaren erdian.
Berdin dio zer nahiago duzun, dela baratze eta herri politen artean lasai paseatu, dela Nafarroako gailur batera igo. Aukeratzen duzuna aukeratzen duzula, hemengo bidaietan beti izanen dituzu eskueran askotariko paisaiak, inoiz ikusi gabeko ikuspegiak eta lehen mailako azpiegiturak, zeure burua ama lurraren altzoan aktibatzeko.
Zer kirol egin ditzakezu Nafarroan?
.jpg)
If you like a challenge, come and compete!
Adrenalina bota beharra duzula? Orduan abentura-planak dira zuretzat egokienak
Bikain, zeren aski duzu Nafarroako naturari so egitea ohartzeko hura ezin egokiagoa dela turismo aktiboa egiteko. Izan ere, Nafarroan naturak milaka urte daramatza eten gabeko aldaketan.
Eta horri esker orain anitz aukera dituzu abentura-kirolak praktikatzeko. Kirol batzuk proposatuko dizkizugu:
-
Abentura parkeak
Abentura parkeak
Tirolina erraldoiak, penduloak, ferrata bideak, arborismoa...
-
Elurretako kirolak
Elurretako kirolak
Iraupen-eskia, erraketak
-
Uretako kirolak
Uretako kirolak
Raftinga, hidrospeeda, piraguismoa, arroila-jaitsiera, bela, paddle surfa...
-
Aireko kirolak
Aireko kirolak
Delta hegala, parapentea, globoa, bi lagunendako hegazkin txikia, ultrarina...
-
Beste batzuk
Beste batzuk
Eskalatzea, hipika, quad ibilbideak, buggya...
Ibilbide luzeak eta mendi garaietara igotzea
Mendi garaietara igotzea
Urrats bat eman, hurrengoa, eta ura edateko gelditu. Burua altxatu, eta gaina hain hurbil dago, eta hain urruti. Beste urrats bat maldan gora, eta beste bat, eta beste bat. Laguna zuri animoak ematen. Eta azkenean, iristean, sekulako poza. Hortxe zaude, gailurrean, zure gorputzaz jabetzen den indar eta zorion sentsazio betean.
Bai, badakigu. Mendi-tontorretara igotzeak energiaz betea sentiarazten zaitu, eta zaletasuna sortzen du. Eta Nafarroan badituzu hainbat aukera tentagarri:
-
Hiru Erregeen Mahaia (2.444 m)
Nafarroako sabaia; hor egiten zuten muga Aragoi, Biarno eta Nafarroako erresumek.
-
Ezkaurre (2.045 m)
Igoera zirkular bat, Pirinio betean.
-
Orhi (2.017 m)
Ibilbide honek Pirinioen bista ikusgarriak ditu.
-
Adi (1.459 m)
Igoera leun bat pago eta larre artean, Kintoko oihanean.
-
Saioa (1442 m)
Nafarroako mendirik entzutetsuenetako bat.
-
Montejurra (1.040 m)
Nafarroako Erdialdea goitik ikusteko begiratoki bat, ezpeldiz inguratua eta historia karlistaz betea.
Zer egin naturako tokirik zoragarrienetan
Gure artean egun gutxi eman behar badituzu, ederra litzateke jardueraren bat egitea toki miresgarri horietako batean: gaua eta eguna bezain desberdinak dira, baina bakoitzak badu bere lilura eta seguruenik bizitza osoan gogoratuko duzu.
Klikatu ezazu eta ikusi enpresek zer aukera eskaintzen dizkizuten naturan zuzen-zuzenean murgiltzeko:
Animatuko zara? Ibil zaitez Donejakue bidearen Nafarroako zatian
Ziur entzuna duzula Donejakue bidea Nafarroatik sartzen dela penintsulara. Bai, ezta?
Beno, agian hau ez duzu bidea osorik egiteko une egokia, baina zatiren bat eginen zenuke, ezta hala? Izan ere, jakin-mina duzu erromesak zer sentitzen ote duen. Tira, bada, hemen dituzu Donejakue bideko Nafarroako zatian ibiltzeko aukera guztiak. Beharbada gogoa piztuko zaizu eta hortxe joanen zara gaur edo bihar Santiagoraino.
Abentura-parkeak
Parke horietan natura, kirola eta jolasa batzen dira gune bakar batean. Elementu guztien batura zoragarria toki bakar batean!
Beraz, hona etor zaitezke zeure burua tirolinetan botatzera, zubi esekiak igarotzera, uretarako jarduerak egitera eta baita animaliak beren habitat naturalean ikustera ere. Baina parke hauek beste gauza asko ere emanen dizkizute.
Eta hori guztia naturan ederki txertatuta dagoen ingurune batean. Etorriz gero, a zer barreak eginen dituzun.
-
Sendaviva
-
Abentura-parkeak
Irrisarri Land
-
Baztan Abentura Park
-
Bertiz Abentura Park
-
Artamendia abentura parkea
-
Beigorri Aventura Park
Eta informa zaitez Nafarroako Turismo plan onenei buruz
Harpidetu zaitez Newsletterera!
Nafarroaz gozatzeko beste aukera batzuk
Oraingoan ez baduzu turismo aktiborik egin nahi, badituzu bestelako planak:
-
.jpg)
Natura
Natura
Murgildu zaitez egiazko ingurune berdean, landaredi berdean. Nafarroako erresumako naturak badu xarma berezi bat: aisa harrapatzen zaitu bere inguru zoragarri, arroila zahar, oihan misteriotsu eta haitzulo magikoekin.
-
Gastronomia
Gastronomia
Eman kapritxo bat zeure buruari eta dastatu Nafarroako gastronomiako plater berezienak. Bertako ardo bat edanez, noski.
-
Wellnessa eta ongizatea
Wellnessa eta ongizatea
Paseo polit bat aire garbia arnastuz, spa saioa edo masaje on bat: horra Nafarroak eskaintzen dizkizun bizigarriak indarrak berritu beharrean bazaude.