Sartu Donejakue Bidean ate handitik

Sartu Donejakue Bidean ate handitik

Nafarroak ongietorria egiten dizu historiaz, kulturaz eta paisaiaz gainezka dagoen bide batekin. Zatoz, zatoz, bizi behar duzu-eta.

Donejakue Bidea Nafarroan, zenbakitan

NAHI DUZUN BEZALA EGIN EZAZU ETORTZEA DA KONTUA.

  • De

    1004 a 1035

    Frantses Bidearen finkapena Antso «Nagusia» erregeari esker.

  • 1993

    Donejakue Bidea Gizateriaren Ondarea delako deklarazioa egin zuen UNESCOk

  • Hasta

    200

    kilometroko ibilbidea

  • Más de

    55.000

    erromes baino gehiago urtean

  • De

    6 a 7

    egun erromesaldia egiteko Nafarroako zatian

  • Necesitas

    3 o 4

    egun behar dituzu Nafarroako naturaren eta kulturaren onena ezagutzeko autoz bidaiatzen baduzu

Done Jakueren urtea: 2021-2022

Aurten Donejakue bideak badu zer ospatu, Urte Santua baita. Gainera, ohi ez bezala eta pandemiaren eraginez, 2022ra arte luzatuko da. Ate Santua zabalik dago bi urte hauetan abentura honi ekitea erabakitzen duten erromes guztientzat.

Nafarroako lau bideak
Nafarroako lau bideak

Nafarroako lau bideak

Donejakue bidea egiteko lau ibilbide igarotzen dira Nafarroatik: Bide Frantsesaren bi adar, Baztango bidea eta Ebroko bidea.

Baina gure ibilbide izarra, dudarik gabe, Nafarroan Luzaidetik sartzen dena da, Frantses Bidea deritzona. Ibilbide ezagun horrek Pirinioetatik Errioxara eramanen zaitu, hainbat leku enblematikotan zehar: Orreaga, Iruña, Gares, etab.

Ibilbide horretako ondare artistiko aberatsa ezagutuko duzu; besteak beste, Erdi Aroko kolegiata bat, klaustro gotiko bikaina duen katedral bat, aspaldiko monasterioak eta eliza erromaniko dotoreak (jarraitu irakurtzen, eta aurkituko dituzu). Baina, gainera, bidaia natural eta gastronomiko bat eginen duzu gure lurraldean zehar. Hiru baten truke: zer iruditzen zaizu?

Ohartuko zara paisaia aldatuz doala Pirinio berdetik Iruñerrira arte beheranzko bide eroso batean, eta, handik aurrera, mendi txikiagoak aurkituko ditugu, labore eta mahasti eremu zabalekin tartekatuta. Paisaia hori berdatu egiten da udaberrian, edo mahastien tonu gorrixkak hartzen ditu larrazkena iristean, eta, nolanahi ere, gozamena da ibiltariarentzat. 

Eta gastronomiari dagokionez, zer esanen dizugu?

Bada, espero dugula ez joatea aurrez dastatu gabe Pirinioetako haragi gozoak eta gaztak, Iruñeko pintxoak, Garesko piperrak, Lizarrako txerrikumea, Erdialdeko ardoak eta Erriberan sortzen diren baina, zorionez, Nafarroako jatetxe guztietan dastatzen ahal ditugun barazki zoragarriak.

Izan ere, indarrak berritu behar dira eta, horretarako, ez dago lurreko jakiak dastatzea baino hoberik.

Jarraitu irakurtzen, aholku praktiko batzuk emateaz gain, lau bide horietan eta inguruetan nahitaez ikusi beharreko guztiaren berri emanen baitizugu.

Bide on!

Nola antolatu nahi duzu zure “bidea”?

Bidea egiteko modu asko daude, eta bidaia antolatzeko modu asko ere bai: kirol arloko erronka, nork bere baitara egiten duen bidaia, jendea ezagutzea, deskonektatzea, hitzemate bat betetzea, Santua gurtzea...

Egizu nahi duzun bezala, baina bidea zurea izanen da.

Donejakue bidearen Nafarroako zatiari buruzko informazio guztia

Donejakue bideko guztia ikusteko. Bide guztietako mugarri nagusiak zein diren ere ikus dezakezu.

Donejakue bidean, Nafarroatik bideratu

Hilabeteko epea duzu Bide osoa egiteko? Ederki. Ez daukazu horrenbesteko denborarik? Ez da ezer gertatzen. Astebete nahikoa da Nafarroako tarteak egiteko eta bizi-esperientzia paregabe hori motxilaratzeko.

Orreaga herrian hasi, lehenengo urratsak lasai eman, eta astebetez gozatu barre, bizipen, kultura, gastronomia, kultura, esfortzu eta sariez. Eta markatu egun bat egutegian Bidera itzultzeko.

Begira, aise animatuko zara
Donejakue bidean, Nafarroatik bideratu

Antolatu Donejakue Bidetik eginen duzun bidaia

Komeni da Donejakue Bidea inprobisatu gabe egitea, oinez edo bizikletaz egitea erabakitzen baduzu. Ez duzu anitzik behar –alderantziz, zenbat eta arinagoa izan bagajea, hobeki–, baina ezinbestekoa da prestaketez arduratzea. Hona hemen ideia batzuk:

  • Abiapuntua

    Erromesaldia Frantses Bide tradizionalean zehar egitea erabakitzen baduzu, Iruñetik autobusez iristen ahal zara Orreagara eta Donibane Garazira. Zauden lekuan taxi bat hartzea da beste aukera bat.

    Eta, alojamenduaz gain, aurrez jakin nahi baduzu zein den Bideko eguraldia Nafarroan, kontsultatu orri hau.

  • Ostatu hartzea

    Hori, zure gustura. Aterpetxe sare zabal bat daukazu, bai eta erosotasun guztiak dituzten hotelak ere. Gehiago nahi baduzu, hemen aipatzen ditugu Nafarroako aterpetxeak eta ostatatzeko lekuak.

    Espainiako Frantses Bide osoko aterpetxe batzuk denbora errealean erabilgarri dauden jakiteko, kontsultatu AlberguesLoT web-orrian

  • Bagajearen garraioa

    Eguneko erromesaldian bizkar-zorroaz ahantzi nahi baduzu, edo fardelen bat edo zure bizikleta bidali behar baduzu, zerbitzu hori ematen duten enpresak daude, hala nola JacotransNCS eta Correos.

  • Osasun-zerbitzuak

    Donejakue Bideko erromesaldian osasun laguntza behar baduzu, laguntza medikoa emateko sare bikaina dugu Nafarroan. Kontsulta egiteko:  hemen.

    Bakarrik bidaiatzen duen emakume bat bazara, begira ezazu www.caminodesantiagolibre.com webgunean

  • Kredentziala eta Compostela agiria

    Erromesa zarela egiaztatzea nahi baduzu, honako hauek egin behar dituzu: Lehenik, zure kredentziala lortu behar duzu: eguneroko zigiluari esker Donejakue Bidea egiten ari zarela egiaztatzen duen dokumentua. Bigarrenik, Compostela agiria lortu behar duzu, kredentzialarekin frogatu ondoren oinez gutxienez 100 kilometro edo bizikletaz 200 kilometro egin dituzula Santiagora iristeko.

  • Bidearen seinaleztapena

    Seinale hauei esker jakinen duzu bide onetik zoazela: gezi horia, garrantzitsuena, adar guztietan seinaleztatzen duelako bidea; mugarriak, hots, harrizko eta hormigoizko eraikuntza batzuk, gezi horia izaten dutenak Bidearen beste adierazgarri batzuekin; besteak beste, erromes maskor horia. Trafiko seinaleek eta informazio panelek ere balio dute orientatzeko.

  • Donejakue Bidea autoz

    Bidea autoz egitea erabakitzen baduzu, proposatutako lekuetako bakoitza sakonago ezagutzeko baliatzen ahal duzu mugimendu askatasuna. Egun oso bat hartzen ahal duzu Baztango herriak bisitatzeko eta bertako gastronomia dastatzeko; asteburua Iruñean ematen ahal duzu, bertako ukitu urbanoaz gozatzeko; Bideko arkitektura erromanikoaren erakargarritasunean zentratzen ahal zara; edo –nekerik ez duzula baliatuta– mendi ibiliren bat egiten ahal duzu, ederki pasatzeko denbora hartuta.

  • Bidaia antolatuak

    Eta nahiago baduzu zuri bidaia antolatzea, xehetasunez arduratzen diren agentzia batzuk daude:

    Destino Navarra: bisitak, mendi ibiliak, bizikleta elektrikoa eta pizgarriak Bidean
    TUR4all: Donejakue Bide irisgarria
     CR Listen
     

Aviso restricción de paso de peregrinos

Aviso restricción de paso de peregrinos

Del 1 de noviembre del 2021 al 31 de marzo del 2022 y por motivos de seguridad entra en vigor la resolución de cierre invernal: se restringe el paso por la variante Este del Camino de Santiago Francés en el tramo entre Saint Jean de Pied-de-Port y Orreaga/Roncesvalles por el collado de Lepoeder (conocida como "Ruta de Napoleón").

En su lugar se deberá utilizar la ruta Oeste por Luzaide /Valcarlos.

Consulta la normativa aquí

134 KILOMETRO BIDETIK ETA 146 ERREPIDETIK

134 KILOMETRO BIDETIK ETA 146 ERREPIDETIK

FRANTSES BIDEA Orreagatik Vianara arte

Donejakue Bidean ibilbide ezagunenetik sartu nahi baduzu, hauxe da zure bidea.

Kontuan hartu behar duzu Donibane Garazitik (Ipar Euskal Herria) ateratzen bazara, Luzaidetik igarota edo, bestela, Napoleonen ibilbidea delakoan zehar iristen ahal zarela Orreagara. Aipatu bigarren bide hori askoz gogorragoa da, eta itxita dago azaroaren 1etik martxoaren 31ra bitarte. Hori bai, bietan izanen dituzu paisaia ederrak eta ikuspegi panoramiko ikusgarriak.

Iparraldea eta pagadiak atzean utzitakoan, beherantz jarraituko duzu hiribururantz, Iruñerantz, eta Nafarroako Erdialdea zeharkatuko duzu, urre koloreko zereal eremuetatik eta mahastietatik igarota, zeinak aldakorrak baitira urtaroen arabera.

Ibilbide honetan, honako hauetan egiten dira geldialdiak:

FRANTSES BIDEA Orreagatik Vianara arte
  • FRANTSES BIDEA Orreagatik Vianara arte

    Luzaide

    Lehen geldialdia herri txiki batean egiten da. Bertan, Donejakueren arrastoa iragan epiko eta kondairazkoarekin batera agertzen da, inguruko sakanetan baskoiek Karlomagnoren tropak garaitu baitzituzten 778. urtean. Ez utzi bisitatu gabe erakusketa zentroa, Erdi Aroko gudu garrantzitsu horri buruzko guztia azaltzen baitute.
    Paisaia hostotsua eta malkartsua da, eta bertatik egun seinalaturen batean igarotzen bazara, Pizkunde Igandean adibidez, herriaren nortasun ezaugarri ezagunenetako batez gozatuko duzu, Bolanteen dantzez.

     

  • FRANTSES BIDEA Orreagatik Vianara arte

    Orreagako kolegiata

    Gotiko frantziarraren adibide ongi kontserbatu bat da, eta Nafarroako Pirinioetako ingurune pribilegiatu batean dago. Ibilbide honetan, ezinbestekoa da bertako klaustro ederretik paseatzea, absideko beirate koloretsuak mirestea eta Antso VII.a «Azkarra» erregearen hilobia bisitatzea.

    Erromesaren meza ere jendetsuenetako bat da, bertan bildutako bisitari guztien hizkuntzetan emandako bedeinkapenarekin amaitzen delako.

    Maitemindu eginen zara leku historiko horretan, non Karlomagnok porrot handiena jasan baitzuen baskoien aurka.

     

    Aurkitu hemen lekuaren magia guztia.
  • FRANTSES BIDEA Orreagatik Vianara arte

    Auritz eta Aurizberri

    Bekaizkeriaz hiltzeko moduko piriniar etxetzarrak dituzten bi karrika-herri dira. Ernest Hemingway idazle handiak hau esan zuen inguruneaz: Pirinioetako paisaia basatietan basatiena. Eta, kasu, Hemingway ez zen aisa hunkitzekoa.

    Arras bitxiak dira bi herrietako hilerriak. Espazioen diseinuak eta hilarri multzoek halako sinbolismoz eta bakez betetzen dituzte, non bisita egitea merezi baitute.

  • FRANTSES BIDEA Orreagatik Vianara arte

    Zubiri

    Esteribarko hiriburua Erdi Aroko zubi ospetsuagatik da ezaguna. Duela urte gutxi arteko kondaira baten arabera, erdiko pilarearen ingurutik igarotzen ziren animaliak amorruaren aurka babestuta geratzen ziren. Hortik datorkio ezizena: Amorruaren zubia.

  • FRANTSES BIDEA Orreagatik Vianara arte

    Iruña

    A, hiriburua! 
    Dotorea, harresitua eta berde-berdea, Iruñeak merezi du, bai, bertan geldialdi bat egitea. Historia, artea, gastronomia eta abegikortasuna dituzu zain hemen, urteko edozein unetan. 
    Ziur badakizula zein diren bisitatzeko leku nagusiak –Katedrala, Gaztelu Plaza, Takonerako parkea, Estafeta kalea, Ziudadela–, eta alde zahar abegikorraz, pintxoen zaporeaz eta bizitza kultural aberatsaz hitz egiten entzun duzula.

     

     

    Ziur baietz, baina, badaezpada ere, hona hemen zehaztuta Iruñearen abezea.
  • FRANTSES BIDEA Orreagatik Vianara arte

    Erreniegako gaina

    770 metroko garaiera duen begiratoki bat, aparteko bistak dituena: Iruña eta Pirinioak Iparraldean eta labore eremuak eta Erdi Aroko hiribilduak Hegoaldean. 

    Ikuspegi horren osagarri dira lekuaren iragana azaltzen duen mahai bat eta Bideko Monumentua. Tamaina naturaleko eskultura multzo bat da, honako hau idatzita duena: Hemen bat egiten dute haizearen bideak eta izarrenak. Ederra, ezta?

  • FRANTSES BIDEA Orreagatik Vianara arte

    Garesko zubi erromanikoa

    Zubi dotore bat da, segundo gutxitan Erdi Aroko garaietara eramaten zaituena. Bideko zubi lirainenetako bat da.  Zubi horretan elkartzen dira Frantses Bidearen bi adarrak, Santiagora batera iristeko.

    Gainera, ikusiko duzu nolakoa den karrika-herri tipiko baten hiri trazadura, bai eta nolako giro berezia sortzen den hiribilduan erromesen zalapartak eraginda.

  • FRANTSES BIDEA Orreagatik Vianara arte

    Lizarra

    Donejakue bideko hiri erromanikoetan nagusia da, eta harribitxi arkitektonikoak ditu bazter guztietan. Bertan, honako hauek guztiak ikusten ahal dituzu: jauregiak (Nafarroako Errege-erreginen jauregia, adibidez); jauretxeak; Erdi Aroko elizak –besteak beste, Ruako San Pedro eliza, klaustroan zutabe bihurrikatu enigmatikoa duela–; komentuak; zubiak; eta plaza ederrak. 

    Gure aholkua: lasai gozatu, Nafarroako herri xarmagarrietako bat baita.

  • FRANTSES BIDEA Orreagatik Vianara arte

    Iratxeko monasterioa Aiegin

    Zer pentsatuko zenuke ura eta ardoa ematen dituen iturri batez? Bitxia, ezta? Bada, hemen aurkituko duzu bi hodiko iturri ospetsua, Iratxeko ardandegiaren ondoan.

    Monumentu multzoari dagokionez, zenbait garaitako eraikin batzuk dira –Erdi Arokoak, errenazentistak eta barrokoak–, bisitatu beharrekoak dituzun mahastiz inguratuak.  

     

  • FRANTSES BIDEA Orreagatik Vianara arte

    Los Arcosko Andre Maria eliza

    Sekulako eraikin monumentala da, zenbait estilo nahasten dituena –erromaniko berantiarra, protogotikoa, errenazentista eta barrokoa–, XII. eta XVIII. mendeen arteko eraikuntza eta eraberritze lan luzearen ondorioz. 

    Ikusi organoa eta margotuta dauzkan zurezko tutuak: benetan ikusgarria. Nafarroako eliza ederrenetako batean aurkituko duzun hori. 

  • FRANTSES BIDEA Orreagatik Vianara arte

    Torres del Ríoko Hilobi Santuaren eliza

    Eliza txiki bat da, inondik ere harrituko zaituen kanoi erdiko ganga bat duena. Ganga nerbiodun oktogonala da elementu ederren eta originalena –XIII. mendeko Kristoaren baimenarekin–.

    Gozatu elizaren bertikaltasunaz eta harmoniaz, eta sentitu nola jabetzen den bakea zure espirituaz.

  • FRANTSES BIDEA Orreagatik Vianara arte

    Vianako Andre Maria eliza

    Bidearen adar honetako azken geralekua da, eta bertan dautza Cesare Borgiaren gorpuzkinak. 

    Ez galdu atari eszenografiko bikaina, errenazimentu hispaniar bikainaren adibidea, ibilbideari amaiera emateko. 

Donejakue Bideak Nafarroan dituen beste bide batzuk

Dena delakoagatik Frantses Bide ohikoena ez hartzea erabakitzen baduzu, eta beste abiapuntu batzuk bilatzen badituzu, beste hiru aukera dituzu zure erromesaldiaz gozatzeko.

  • Peregrino entre campos de colza Frantziar-aragoiar Bidea

    Frantziar-aragoiar Bidea

    Zangozatik Garesera

  • Casas y río Ugarana en Urdazubi/Urdax Baztango Bidea

    Baztango Bidea

    Urdazubitik Arrera

  • Plaza de los Fueros, Tudela Ebroko Bidea

    Ebroko Bidea

    Cortestik Castejonera

56 KILOMETRO BIDETIK ETA 65 ERREPIDETIK

56 KILOMETRO BIDETIK ETA 65 ERREPIDETIK

FRANTZIAR-ARAGOIAR BIDEA Zangozatik Garesera

Frantses Bidearen bigarren adar hau Tolosar Bidearen jarraipena da, eta, Somporteko mendatean zehar (Huesca), Zangozatik sartzen da Nafarroan.

Garestik aurrera, bideak Luzaidetik sartzen denarekin bat eginda jarraitzen du. Leku horretara iritsi arte, paisaia ondulatuak dituzu hainbat kilometrotan, honako hauez ongi hornituak: zerealak, haize errotak, pinudi zabalak eta edertasun basatiko arroilak.

Bide hau aukeratzen baduzu, ezinbestean ikusi beharrekoak dituzu honako hauek:

FRANTZIAR-ARAGOIAR BIDEA Zangozatik Garesera
  • FRANTZIAR-ARAGOIAR BIDEA Zangozatik Garesera

    Zangozako Andre Maria Erregina eliza

    Interes kulturaleko ondasun bat da, eta erromanikotik gotikora aldatzeko arkitekturaren adibidea. Bertako ataria erromanikoaren lan gorenetako bat da estatuan. Bisita gidatu bat kontratatzeko denbora baduzu, hemendik hori egiteko aholkatzen dizugu. Bi aldiz gehiago gozatuko duzu.

    Eta bertan zaudela, ziur harritzen zaituela Zangozatik ibiltzeak, karriketan ongi kontserbatutako eta edertasun handiko jauregiak, elizak eta komentuak baitaude.

  • FRANTZIAR-ARAGOIAR BIDEA Zangozatik Garesera

    Eunateko Andre Maria eliza, Muruzabalen

    XII. mendearen bigarren erdialdean eraikitako oin oktogonaleko eliza bikaina da. Atari bakartu original bat du, eta 33 arkuko galeria bat.

    Interes kulturaleko ondasun izendatu dute, eta jatorri tenplarioak areagotutako mito eta kondaira ugariren iturria da.

  • FRANTZIAR-ARAGOIAR BIDEA Zangozatik Garesera

    Xabierko gaztelua

    Donejakue Bidetik 8,5 kilometrora, Zangozatik abiatuta.

    San Frantzisko Xabierkoaren sorlekua, Nafarroako zaindariarena, Erdi Aroko gotorleku izugarri bat da, urtero milaka nafarrek bisitatzen dutena martxoan, Xabierraldietako erromesaldian.

    Zubi altxagarria igarota sartzen zaren eraikuntzan dorreak, ziegak, matakanak, kanoi zuloak eta saieterak aurkituko dituzu, aspaldiko gudu eta erlijiotasun garaien oroigarri.

    Argibide gehiago gazteluari buruz
  • FRANTZIAR-ARAGOIAR BIDEA Zangozatik Garesera

    Leireko monasterioa

    12 kilometrora Zangozatik.

    Errege-erreginen eta gotzainen babeslekua izan zen aspaldi eraikuntza erromaniko soil hau, eta nor bere baitan biltzearen eta espiritualtasunaren goraipamena da.

    Hunkitu zaitez XI. mendeko kriptan, miretsi bertako Porta Speciosa ugaritasunez apaindua, eta sentitu kantu gregorianoen eragin emozionala.

    Eta hori guztia bakez eta berdetasunez inguratutako leku idiliko batean.

    Argibide gehiago monasterioari buruz
  • FRANTZIAR-ARAGOIAR BIDEA Zangozatik Garesera

    Irunberriko arroila

    14 kilometrora Zangozatik.

    Naturak zizelkatutako monumentu hori Nafarroako paisaia menderakaitzenetako bat da. Harraparien, azerien eta azkonarren etxea da, eta bertako haitzartea (300 metroko horma bertikalak ditu) Irati ibaiak eragindakoa da.

    Irunberriko arroila erreserba naturala da, eta oso ondo kontserbatuta dago, eta Bide Berdetik ibiltzeko aukera izanen duzu, edo, besterik gabe, atseden hartzeko ibaiaren ur freskoen ondoan.

     

    Argibide gehiago arroilari buruz

86 KILOMETRO BIDETIK ETA 69 ERREPIDETIK

86 KILOMETRO BIDETIK ETA 69 ERREPIDETIK

BAZTANGO BIDEA Urdazubitik Arrera

Ibilbidea egokia da Nafarroara berriz etortzen direnentzat, edo ohikoa ez den zerbait egin nahi dutenentzat.

Bide zahar bat da, Pirinio Atlantikoak Baztan ibarretik zeharkatzen dituena, eta Baionako portuan lehorreratzen ziren bidaiariek erabiltzen zutena. Urte askoan baztertuta egon zen, baina aspaldi honetan berriz garrantzia hartzen ari da, eta erromes askok aukeratzen dute, ziur aski ibilbidea leuna eta ederra delako, eta bidean dauden herriak eta baserriak oso politak.

Nafarroaz pentsatzen duzunean burura paisaia berde ondulatuak, baso misteriotsuak eta sorgin kondairak etortzen bazaizkizu, Baztango Bideak zure izena darama.

Hauek dira ibilbideko gune azpimarragarrienak.

BAZTANGO BIDEA  Urdazubitik Arrera
  • BAZTANGO BIDEA  Urdazubitik Arrera

    Urdazubiko leizea

    Haitzuloa –adi!– 14.000 urtekoa da, eta Urtxuma ibaiaren higadurak sortu zuen. Bisita gidatuak irekitzen dizkizun ateen atzeko munduan estalaktitak, estalagmitak... daude, bai eta bidelapurrak, gerrillariak eta akelarreak ere.

    Jantzi jaka bat, eta ireki begiak ahalik gehiena gozatzeko ilunpe arteko esperientzia honetaz.  

    Argibide gehiago haitzuloei buruz
  • BAZTANGO BIDEA  Urdazubitik Arrera

    Amaiur

    Errotatik etxe arteko 1,5 kilometroko ibilbide atsegin bat abiatzen da, presa eta ubidea zeharkatzen dituena, eta Gaztelu mendiko monolito mitikora arte iristen dena. Bertan kokatuta egon zen Nafarroako Erresumako gazteluetako bat, eta, egun, hondakin batzuk geratzen dira. Leku horrek gogora ekartzen du Amaiur izan zela, 1522. urte aldera, Nafarroaren konkistaren aurkako azken erresistentzia gunea. 


    Herri pintoreskoak errota berritu bat dauka, aukera ematen duena irina erosteko, prozesuaz gozatzeko eta talo gozo-gozo laberatu berriak dastatzeko. 

  • BAZTANGO BIDEA  Urdazubitik Arrera

    Arizkungo Santxotena Museoa

    Arterako gune bat da, aire zabalekoa, Xabier Santxotena artistak baliatzen duena euskal mitologia omentzeko, eta agotak –talde etnikoa, jatorriz herrikoa, mendez mende baztertuta egon dena– aurkezten dizkizuna.

    Presta zaitez zurean zizelkatzearen sorkuntza aukera handiez gozatzeko.

  • BAZTANGO BIDEA  Urdazubitik Arrera

    Elizondo

    Ibarreko hiriburua herri xarmagarri bat da, harri eta ura nagusi dituena. Karrikaz karrika ibiltzea herrian dauden sekulako etxetzarren artean eta ur osoekin egindako txokolate famatua dastatzea da une lasai baterako aukerarik onena.

    Eta Dolores Redondo idazlearen zalea bazara, izugarri gustatuko zaizu “Baztango trilogia” arrakastatsua kokatuta dagoen lekuetara bisita gidatuak egitea.

  • BAZTANGO BIDEA  Urdazubitik Arrera

    Zugarramurdiko leizea

    Urdazubiko leizetik 8 kilometrora baino ez dago mendian irekitako kondairazko leize hau, eta bertan erraz irudikatuko dituzu Inkisizio Saindua haserretu zuten eta sorginkeria leporatuta hainbat pertsona sutan erretzea eragin zuten akelarre haiek.

    Jakin-mina pizten bazaizu, ez utzi bisitatu gabe Sorginen museoa: 400 metrora dago, Zugarramurdi herrian.

    Nafarroako leizeei buruzko informazio gehiago
  • BAZTANGO BIDEA  Urdazubitik Arrera

    Bertizko Jaurerriko Natur Parkea

    Baztango bidetik 7,5 kilometrora baino ez, Iruritatik abiatuta, berdegune ikusgarri hau aurkituko duzu: lorategi botaniko aberats bat eta mendi ibiliak egiteko zenbait ibilbide ditu. 2.000 hektareatik gorako eremuan, natura oparoa da, eta lasaitasunez eta sentipen onez beteko zaitu.

    Ikasi gehiago hemen Bertizko Jaurerriari buruz

50 KILOMETRO BIDETIK ETA 40 ERREPIDETIK

50 KILOMETRO BIDETIK ETA 40 ERREPIDETIK

EBROKO BIDEA Cortestik Castejonera

Ibilbide historiko honek Mediterraneoko portuetatik zetozen ibiltariak jasotzen zituen; izan ere, Logroñon sartzen ziren Frantses Bidean, Ebro ibaiaren bideari jarraituz. Adarra Cortestik sartzen da Nafarroan, diagonalean zeharkatzen du Foru Komunitatearen hegoaldea, eta Castejonen ateratzen da.

Ibilbidea kontrastez beteta dago, eta ibar-baso, baratze eta basamortuko paisaia artean egiten du aurrera. Ibilbideak zeharkatzen dituen herrietako arkitekturak ongi adierazten du historian zehar musulmanen, kristauen eta juduen artean izandako bizikidetza.

Hona hemen Donejakue Bideak Nafarroatik igarotzean tarte honetan dituen bisitatu beharreko lekuak.

EBROKO BIDEA Cortestik Castejonera
  • EBROKO BIDEA Cortestik Castejonera

    Cortes

    Nafarroako herririk hegoaldekoena da, eta Aragoirekiko muga izateak eragin du herriaren historian. Horren adierazgarri da XII. mendeko gaztelua; sekulakoa da, eta ikusi beharrekoa. Egun duen itxura zenbait eraberritze lanen ondorioa da, eta gehiago ematen du jauretxe bat gaztelu militar bat baino. Barrualdean, zenbait garaitako pintura bilduma interesgarri bat aurkituko duzu baita Gorte Gurutzeko Goi aztarnategiaren erakusketa iraunkorra ere. Eta gazteluko baratze zaharrean, parke bat dago ahateak, zisneak eta antzarak dituena, bai eta tamaina naturaleko xake joko bitxi bat ere.

  • EBROKO BIDEA Cortestik Castejonera

    Tutera

    Nafarroako bideetan gure lurraldean bizi izan ziren kulturen arragoa ongien ordezkatzen duen hiri bat hautatu beharko balitz, ziur aski Tutera izanen litzateke hiri hori.

    Iruñearen ondoren, bigarren hiri garrantzitsua da gure komunitatean, eta islamdar jatorriko hiri garrantzitsuenetako bat Europan. Judutegi bat dauka, bai eta lekukotasun kristau garrantzitsuak ere, hala nola Andre Mariaren katedrala, garai erromanikokoa, eta ezinbestean bisitatu beharrekoa.


    Ezinbestekoak dira, halaber, Ebro ibaiaren gaineko zubia, 360 metrokoa, eta 17 ojiba arku bikain dituena, eta Foruen plaza, tuterarren erdigune soziala.

    Azken gomendioa: ez joan Tuteratik bertako barazki gozo-gozoak jan gabe. Beste maila batekoak dira!

  • EBROKO BIDEA Cortestik Castejonera

    Errege Bardeako Parke Naturala

    Donejakue Bidetik 14 kilometrora, Tuteratik abiatuta.

    Paisaia erdibasamortutarra da. Penintsularen iparraldean ez dago horrelako besterik, eta bertaratzeko aholkua baino ezin dizugu eman.

    Ingurune basatia eta liluragarria da, Biosferaren Erreserba izendatuta dago, eta, itxura ezatseginaren azpian, altxor natural handiak ezkutatzen ditu.

    Parke natural bikain honen edertasun elkorraz gozatu, bertako magia eta magnetismoa zure irudimenaz jabetuko baitira.

    Sakondu nahi baduzu,egin klik hemen.

    Argibide gehiago Errege Bardeari buruz
  • EBROKO BIDEA Cortestik Castejonera

    Tulebrasko monasterioa

    Donejakue Bidetik 13 kilometrora, Tuteratik abiatuta.
    Honako hau ere Penintsulako lehendabizikoa da. Oraingo honetan, emakumeentzat eraikitako lehen monasterio zistertarra da, eta gaur egun ere mojak bizi dira bertan.

    Zistertarren berezko soiltasunaren adibide nahastezina da, bildutasuna zabaltzen baitu bere bazter guzti-guztietan. Klaustroko gurutze-gangen azpitik ibiltzeak eta bertako Arte Sakratuko Museoa bisitatzeak baretasun sentipen atsegina helaraziko dizute.

Planak eta bestak Frantses Bidean

Proposamen hauek guztiak Bidekoak bertakoak edo ingurune hurbilenekoak dira.

Ikusi Bideko proposamen guztiak

Donejakue Bidearen beste erakargarri batzuk

Erromesaldi bakoitzak bere historia du; urtaro bakoitzak, bere erakargarritasuna; eta helmuga bakoitzak, gozatzeko mila modu. Nafarroa alde anitzetatik balioesten ahal da, eta, horregatik, zure Bidea bidaia biribila izatea eraginen duten jarduera eta esperientzia osagarriak eskaintzen dizkizu:

  • Plato de cochinillo con ensalada Gastronomia

    Gastronomia

    Zure lurraldean parekorik ez duten pintxo batzuk jatea, ardo gorri bat edatea unerik egokienean edo Nafarroako gastronomiako jakirik autentikoenak dastatzea... Noiztik ez duzu egin apetak eman dizuna?

  • Caserío con ovejas Natura

    Natura

    Milaka urteko pagadi batean murgiltzea, inoiz ikusi dituzun ur turkesenak ikustea ibai batean, edo hunkitzea basamortu paisaia baten hustasunaren aurrean. Hori guztia eta gehiago duzu Nafarroan.

  • Iglesia del Santo Sepulcro de Torres del Río Kultura

    Kultura

    Erromanikoak Nafarroa gaindikatzen du. Elizak, komentuak, kolegiatak eta Erdi Aroko kondairetatik ateratako gune historikoak. Nafarroaren nortasuna ezagutzea haren historia ezagutzea da Eta edozer da, aspergarria izan ezik.

Donejakue Bidearen atea zuretzat irekitzen da.

Sartu Nafarroatik. Egun zeure Bidea