Bidaia antolatuak Nafarroan

Haren espezialitatea da turismo jasangarria, kulturala, naturakoa, mitologikoa eta gastronomikoa. Ekologiarekin eta ingurumenarekin konprometituta daude, eta beren ibilgailuek betetzen dute isurtzeen kutsadurari aurre egiteko Euro 6 Europako araudia. Gainera, gidatze ekologikorako programak dituzte, eta txango erregularrak, landa-eremuko VIP txangoak eta mota guztietako zirkuituak antolatzen dituzte.

Donejakue bideari lotutako bidaietan daude espezializatuta. Talde txikientzat eta bakarkako bezeroentzat lan egiten dute, ingelesez mintzo direnen merkatuari begira bereziki.
Oinez, bizikletaz edo ibilgailuz egiteko bidaiak eskaintzen dituzte.

Xaraka bidaia-agentziak hainbat ibilbide eskaintzen ditu Baztan eta Bidasoa modu osasungarrian eta naturarekin harremanetan ezagut ditzazun: bizikletaz (BTT, errepidekoak edo bide berdeak) edo oinez egin ditzakezu, erabateko askatasuna sentituko duzularik.

Bere gidariak, eskarmentu handikoa eta bere bizitokia bihotz-bihotzez maite duena, turista gehienek aurkitu ohi ez dituzten txoko bereziak ezagutaraziko dizkizu.

Bisitaldi eta txango kulturalak antolatzen dituzte Iruñean eta Nafarroa osoan; halaber, Errege Bardeako Natura Parkera joateko txangoak, sanferminetako VIP programak, Donejakue bideko mendi-ibiliak, enpresendako pizgarrien programak, eta hotel, jatetxe edo garraioen koordinazioa eta erreserbak.

Abentura sofistikatuak eskaintzen dizkiete bidaiari ausartei. Bertako gidariak dituzte. Haiek anfitrioi adituak dira eta turistak eskualdeko gunerik sakonenera eramatea lortzen dute; baita luxuzko ostatua eta gastronomia goxo eta ahaztezina eskaini ere. Donejakue bidean daude espezializatuta, baina zikloturismoko eta mendi-ibilietako esperientziak ere uztartzen dituzte, Nafarroako kulturaren alderdirik onenak eskainiz, betiere kalitatea funtsezko premisa izanik.

Agentzia honek askotariko abentura-jarduerak antolatzen ditu: ibilbideak 4x4koan edo buggyan, gaueko behaketa astronomikoa, ibilaldiak zaldi gainean eta bizikleta elektrikoen alokairua, Nafarroako Erribera eta Errege Bardeako basamortuko paisaia zoragarriak esploratzeko. Are gehiago, ibilbide gastronomikoak eta ardo- eta olio-dastatzeak ere antolatzen dituzte. Gainera, turismo-apartamentuak (Hotel Rural Suite) dituzte, ostalaritzako sektoreko izen handiko sariak jaso dituztenak; kanpoko jacuzziak eta chill out terrazak badituzte, abenturazko egun bat eta gero erlaxatzeko. Petfriendly ere badira, gainera, beraz, maskotak ere ongi etorri.

Bertako langileek, grinatsuak bezain geldiezinak, esperientzia pertsonalizatuak eta ezin originalagoak prestatzen dituzte: familientzako zein bikoteentzako ostatua eta abentura-planak, teambuilding eta outdoor training jarduerak, enpresentzako pizgarriak... baita Errege Bardean filmatzeko kanpoaldeko lokalizazioak bilatzen dituzten ekoizpen-etxeentzako laguntza-zerbitzu integralak ere.

Taldeka bidaiatzen duten pertsonentzat lan egiten dute batik bat (besteak beste, elkarte, enpresa, kultur etxe eta ikastetxeentzat). Ibilbide, hotel eta jatetxe aproposak eskaintzen dituzte askotariko taldeentzat; gure komunitatean egiten diren kulturako eta naturako jarduerarik interesgarrienak ere eskaintzen dituzte.

Banakako bezeroak ere hartzen dituzte, eta txikizkako beste agentzia batzuei eta negozio-bidaiak antolatzen dituzten enpresei zerbitzua ematen diete, betiere produktu originalak eta neurrira egindakoak diseinatuz.

Agentzia espezializatua bidaiak moto gainean Nafarroan barne egiten. Bidaia autogidatuak, pakete itxiak edo bidaiak neurrira izan daitezke, zure behar eta nahietara guztiz egokitutako abentura esklusibo bat bizi dezazun moto gainean. Motozaleentzako nafar errepide onenetan barna ibiliko zara, bertako erakargarritasun natural, kultural eta gastronomikoez gozatzen duzun bitartean.

Eta nor dago haren guztiaren atzean? Alde batetik, Fernando Arizcuren, 10 urte baino gehiago daramatzana moto-ekitaldiak antolatzen laguntzen, ibilbide pertsonalizatuak diseinatzen eta, bere eskarmentua lagun, sare sozialetan aholkuak ematen, eta, bestetik, Arantza García, laguntzailea eta kolaboratzailea enklabe turistikoak aukeratzen, bidaiatzeko modu honek toki bakoitzaren muinean murgil zaitzan.

Agentzia honek ibilbideak diseinatu eta eskaintzen ditu Nafarroan eta erkidego mugakideetan lagun-talde eta enpresentzat; gainera, ibilbideak egokitzen dituzte, paregabeak eta bezeroen neurrikoak izan daitezen.

“Slow Travel" (mantso bidaiatzea) delakoaren antzeko filosofia dute: Nafarroa nafarren ikuspegitik erakustea dute helburu, hau da, nafar jator-jatorren eskutik beren bizimodua, historia eta tradizioak erakustea. Ibilbidearen xehetasun guztiak zaintzen dituzte eta ostatu xarmangarriak, gastronomia tipikoa dastatzeko menuak, jarduera tradizional bereziak eta tokian tokiko biztanleekin elkarguneak eskaintzen dituzte.

Taldeentzako zerbitzuak, pizgarriak, Sanferminetako gaiak, Donejakue bidea eta desgaitasun fisiko eta psikikoa duten lagun-taldeentzako programak eskaintzen dituzte.

Senderismoan eta BTTn aditua da. Nafarroa osoan eskaintzen ditu ibilaldiak. Etapaka antolatzen ditu, hoteletik hotelera, GPSz autogidatuta, 2 egunetik 8 egunera, bizikleta gustuko duten pertsonentzat.

MTBren arloan, singletrack-ibilbideak dira bere indarguneak, Nafarroako iparraldeko baso zabaletan eta Iratiko oihanean barna. Ibilbide luzeak ere eskaintzen ditu Estellerrian, Eurovelo 1 bidean eta Errege Bardean barrena; azken hori, leku aproposa da basamortuko paisaiak maite dituztenentzat.

Dena den, Nafarroako eremu basotuenean ere baditu mendi-ibiliak eta running-proposamenak.