Baztan

Baztan

Zatoz lur honetara: kanpotik erakarri eta barrutik berrituko zaitu

Kokoteraino nago hiriarekin. Herri batera noa bizitzera!

Hiritar gehienek bota dute hori estresatuta zeuden momenturen batean. Eta hori esatean, herrietako paradisuaren irudia sortzen zaigu gogoan. Muino leunak, zelai berdeak, behiak larreetan, erreka aratzak; eta harrizko baserriak, teilatu eta harlandu gorrikarekin.

Beraz, Baztanen irudia da gogora etortzen zaiguna. 

Leku hauek, izan ere, lilura askoren pizgarri dira.

Baztan, gainera, idilikoa eta fantastikoa da hein handi batean. Ez al du, bada, basajaunak berak babesten? Hemen natura da nagusi. Hor dira paisaiak, folklorea, bizimoduak, gastronomia eta bestak.

Horrenbestez, agerikoa da, hiritik aldendu eta herrietara etorri nahi baduzu, Baztan dela zuk behar duzuna.

Hortxe dago, Pirinio atlantikoan, mugatik eta Kantauri itsasotik hurbil.

Baztanen xarma

  • Herri zoragarriak, zein baino zein ederragoa

    Herri zoragarriak, zein baino zein ederragoa

  • Naturaren edertasun betea non-nahi

    Naturaren edertasun betea non-nahi

  • Gastronomia eta usadio erakargarriak

    Gastronomia eta usadio erakargarriak

Elizondo

Nahitaezko bisitekin hasiko gara. Baztanera zoazenean derrigorrez ikusi behar dituzun lekuekin, alegia.

Elizondo da horietako bat. Ibarreko herri nagusia da, eta bertako etxe dotore eta jauretxeek erakusten digute Ameriketara joandakoek aberastasun handia ekarri zutela. Hor dago, esaterako, Arizkunenea jauregi barrokoa (1730), zeina egun Baztango kultura etxea baita. Ikus ezazu haren armarri ederra, eta zoaz aurrealdeko patio atseginera.

Handik hurbil samar udaletxea duzu, arkupe politak dituena, eta Santiago eliza, estilo barrokoan eraikia.

 

Baina Elizondon karrikaz karrika ibiltzea da onena.

Inolako presarik gabe, Jaime Urrutia karrikan barna paseatzea, etxeen fatxada ikusgarriei begira.

Txokotoko zubia pasatzea, Baztango Trilogia misteriotsuaren agertoki hori, eta lorez betetako fatxadei erreparatzea Bidasoa ibaiaren ertzean. Bertako ur-presaren soinua entzunez, jakina.

Dendaz denda ibiltzea –Baztango txokolatea eta gaztak zoragarriak dira–, jatetxe batean bertako jakiak dastatzea, ibaiaren ondoan gelditu eta amuarrainei begiratzea...

Beraz, herri baten xarma osoaz gozatzea herrietako lasaitasunarekin.

Baina Elizondon karrikaz karrika ibiltzea da onena.
Baztango Trilogiaren bisita gidatuak

Baztango Trilogiaren bisita gidatuak

Dolores Redondoren Baztango Trilogia irakurri baduzu –edo horren gaineko filmak ikusi–, proposamen bikaina duzu hau. Izan ere, idazlearen laguntzarekin, bisita gidatuak antolatu dira Amaia Salazar detektibe ospetsuaren joan-etorriei segitzeko.

Nobelako agertoki guzti-guztiak ikusten dira. Gidariak kontatutako pasadizoekin eta emandako azalpenekin liburuetako Elizondon sartuko zara bete-betean, eta, gainera, ibarreko bizimoduaren eta ohituren berri jasoko duzu.

Aukera paregabea da istorio misteriotsu horrek erakarri bazaitu hona.

Klikatu ezazu hemen bisitaren erreserba egiteko
Baztango besta eta azokak

Baztango besta eta azokak

Bidaiatzean, tokian tokiko bestez gozatzea gustatzen zaizu?

Bai? Bada, erne!, zeren Baztango hiru egun seinalatu aipatuko dizkizugu. Besta-egun horietan, Elizondoko karrikak kolorez eta giro biziz betetzen dira, Baztango herri guztietako jendea etortzen baita. Hauexek dituzu:

  • Baztandarren Biltzarra

    Baztandarren Biltzarra

    Haraneko herrien besta handia, haurridetasunezko ospakizuna. Udan izaten da, Santiago egunaren (uztailaren 25aren) aurreko igandean.

    Egun horretan zehar, ibarreko 15 herrietako karrozak ibiltzen dira Elizondon barna. Ibarreko kulturari eta usadioei lotutako gaiak irudikatzen dira.

    Artisautza azoka, udaletxe plazako mutil-dantza, Merkatuzelaiko herri-bazkaria eta bazkalondoan izaten diren kontzertuak: horra hor osagai ederrak Elizondoko karrikak alaitasunez bete daitezen egun polit horretan.

  • Abere azokak

    Abere azokak

    Baztanen bi abere azoka dituzu: udaberrikoa eta larrazkenekoa.

    Aspaldi-aspaldiko azokak dira, eta horietan bertako aziendaren ale bikainak erakusten dira; besteak beste, latxa arrazako ahariak, behi piriniarrak eta pottokak.

    Horietaz landa, artisau produktuen azokak egiten dira (kontserbak, likoreak, xaboiak, gaztak, sagardoa eta abar saltzeko), eta ohiko jakiak prestatzen dira, hala nola baztanzopak (ardi- eta ogi-saldaz egindako zopa lehorra). Beste jarduera batzuk ere izaten dira, gainera. Eta hori guztia txistuaren musikarekin.

    Udaberriko azoka Pazkoaren ondoko ostiralean izaten da, eta larrazkenekoa, berriz, urriko azken asteburuan.

    Beraz, herrietako bestak gogoko badituzu, egun horiek aproposak dira ibarraren izpiritua hobeki ezagutzeko.

Gehiago nahi duzula?

Itxaron pixka bat, eta behako bat eman Elizondoko eta ibar osoko besten eta ekintza interesgarrien agendari.

Baztango herriak

Eta ibilbide turistikoa egiten jarraituko dugu ibarrean barna, beste herri batzuk ikusiz. Horiek ezagututakoan, arras maiteminduko zara inguru hauekin.

Baztango herriak
  • Baztango herriak

    Ziga

    Herri txikia, postal baterako modukoa, baina ezohiko eliza bat duena. Izan ere, San Lorentzo parrokia oso handia da, espero baino askoz handiagoa.

    Plazan abiatzen den mailadian goiti iristen ahal zara elizara. Plaza horrek aisa erakarriko zaitu, etxe handi politak daudelako lorez apaindutako leihoekin.

    Zigan paseotxo bat eman ondoren, zoaz, nahi baduzu, Baztango begiratokira. Herritik oso hurbil dago eta ibarraren erdialdearen bista ederrak ditu. Bertan daukazu eta erraza da hara iristea. Gainera, eroso joanen zara eskualde-errepidetik. Eta, badakizu, ez ahaztu kamera bat eramatea.

  • Baztango herriak

    Irurita

    Hau da Baztango bigarren herria, biztanle kopuruari bagagozkio.

    San Salbatore eliza ederraz gain, arkitektura zibila nabarmentzen da Iruritan. Hortaz, planik onena da karrikaz karrika ibiltzea, begiratuz eta giroaz gozatuz. Nahitaez ikusi beharrekoak dituzu Goienetxeko dukesaren plaza, Jauregizuria eta Gastón etxea.

    Eta ez ahaztu Iruritako plaza, “erreboteko” plaza esaten diotena bertan laxoan aritzen direlako. Iruritan zaudela pilota partida bat egokitzen bada, ikusiko duzu zer-nolako suhartasunez bizi duten bertakoek kirol hori. Zuk ere animatu itzazu pilotariak, gogotsu animatu!

  • Baztango herriak

    Arizkun

    Honatx arkitektura dotorea eta ohitura zaharrak dituen beste herrixka bat, Elizondotik oso hurbil.

    Bozate, herriko auzorik nabarmenena, oso ezaguna da bertan agotak bizi izan zirelako: baztertutako jendea, betidanik solasgai izan dena.

    Horrez gain, interesgarriak dira Urtsuko jauregia, San Joan Bataiatzailearen eliza eta, jakina, Santxotena Museoa.

    Hemen duzu informazio guztia

    Aquí toda la información del museo Santxotena
  • Baztango herriak

    Erratzu

    Arizkundik hurbil dago Erratzu; mendiz inguratua, noski! 650 biztanleko herri honek baserri galantak eta paisaia berdeak ditu, baita lasaitasun ederra ere.

    Karrikaz karrika ibil zaitezke txoko politen bila, baina Izpegiko mendatera ere igo zaitezke. Bertan bista zoragarriak dituzu, eta atseden-gune bat, non jan dezakezun eta oroigarriren bat erosi, nahi izanez gero .

    Familiarekin batera etortzen bazara eta harro erakusteko moduko ibilaldi bat nahi baduzu, jarraitu irakurtzen, Xorroxingo ur-jauziari buruzko informazio guztia emanen dizugu eta.

     

Xorroxingo ur-jauzia

Baina zerbait eskuragarriagoa nahi baduzu, familiarekin batera naturaz gozatzeko ibilaldi bat-edo, hortxe duzu Xorroxingo ur-jauzia.

Ibilaldi atsegina da, pagoen eta gaztainondoen artean doana. Erratzuko Ubidea karrikako aparkalekutik sartzen ahal zara ibilbidera. Hemen aparkatzea da hoberena, errazagoa izanen delako leku bat aurkitzea eta horrela ez dugulako herrigunea kotxez beteko.

Bide erraza da, baina oso polita, eta bi ordu baino gehixeago beharko dituzu hura egiteko.

Hori bai, hobe duzu astelegun batean edo denboraldi turistikoaz kanpo joatea, bideaz lasai-lasai gozatu nahi baduzu. Izan ere, onena da inolako presarik gabe ibiltzea!

Ikus hemen wikiloc-eko ibilaldia

Mendi-ibiliak egiteko aukera gehiago nahi?
Xorroxingo ur-jauzia
Amaiur

Amaiur

Herri hau txikia da oso, baina protagonismo handia izan zuen Nafarroako Erresumaren historian. Jakina denez, Amaiur izan zen Gaztelakoen konkistari aurre egin zion azken erresistentzia gunea. Nafarroak 1512an galdu zuen independentzia, baina Nafarroako koroaren aldeko soldadu-multzo batzuk Amaiurko gazteluan babestu ziren eta inbaditzaileei gogotsu egin zieten aurre, harik eta 1522an garaituak izan arte.

Berehala itzuliko gara gaztelura, baina orain utziguzu kontatzen Amaiurren zer aurkituko duzun.

  • Amaiurrek karrika-herriaren ohiko egitura du: etxeak karrika nagusi baten inguruan daude antolatuta.

    Askotariko etxeak daude eta hori berri ona da zuretzat. Izan ere, Baztango arkitektura-mota guztiak ikusten ahalko dituzu toki bakar batean. Jauretxeak ere badira, noski, hala nola Arretxea jauregia, Borda jauregia eta Arriada etxea.

    Besterik nahi?

    Bada, hor dago Jasokundearen eliza, Erdi Arokoa, eta herrian sartzeko igaro behar den arku bitxia.

  • Gainera, herri sarreratik hurbil, beste ikusgarri bat aurkituko duzu: Amaiurko errota.

    XVIII. mendetik hona ari da arto irina ekoizten, eta gaur egun ere saltzen da errota horretako irina.

    Aurretik erreserba eginez gero, gidari batekin ikus dezakegu; baita bisitaldia aprobetxatu ere gazta, txorizo edo txokolatez betetako taloak jateko.

    Izugarri gustatuko zaizkizu taloak eta errota.

    Begira zer itxura ederra

    Mira qué buena pinta
  • Eta herrixka honekin bukatzeko, goian erdizka utzitako informazioa osatuko dugu.

    Ikusiko duzunez, gaztelu zaharretik hondakinak geratzen dira bakarrik, eta hantxe dago zimenduetan altxatu zuten monolitoa, gotorlekua Gaztelako armadaren aurrean babestu zuten adoretsuak omentzekoa.

    Baina zorte onekoa zara, zeren gazteluaren historia osoa eta material arkeologiko guztiak eskura dituzu Amaiurko Museoan.

    Joan zuzen museora eta bisita gidatuetara.

    Directo al museo y a las visitas guiadas
  • Eta azken gomendio bat eginen dizugu, Amaiurtik gertu dagoen leku bat ikusteko.

    Begiratokiak gustatzen bazaizkizu, igo zaitez, nahi baduzu, Otsondoko mendatera eta Gorramendiren gailurrera.

    Bi goialde horietara igoz gero, Baztango lurren bista ikaragarriak izanen dituzu opari. 

Donejakue bidea Baztanen

Aizu! Ez dizugu oraindik esan, baina gomendatu dizkizugun lekuetako asko Donejakue bidearen Baztango adarrak zeharkatzen ditu.

Ez zenekien?

Hemendik ere igarotzen da, bai, Donejakue bidea!

Ibilbide zahar bat da, Baionatik penintsulara sartzen ziren erromesek baliatzen zutena. Nafarroako adar horrek 77 kilometro ditu: ongi seinalatutako landa-bideetan doa eta Iruñearen parean egiten du bat Bide Frantsesarekin.

Itxura ona du, ezta?

Bada, animatzen bazara, hemen duzu informazio osoa.
Donejakue bidea Baztanen
Baztan Abentura Parkea

Baztan Abentura Parkea

Priiiimeran! Horra hor abentura parke bat!

Bai, bai, ongi irakurri duzu. Abentura parkea, eta ez jolas parkea.

Baztan Abentura Parkean kontua ez da bagoi batean eseri eta eramaten uztea, besterik gabe. Hemen ezinbestekoa da zuk parte hartzea, hauek ez direlako jarduera pasiboak. Hemen dituzu tirolinak, aquapark-kanoiak, pendulu handia, via ferrata bat, zuhaitzetako ibilaldia, raftinga eta paintballa. Beraz, adrenalina sentitzeko, mugitu egin beharko duzu. Eta horixe da gustatzen zaiguna, iiiiufa!

Antolatu bidaia Baztan Abentura Parkera joateko
Baztandik hurbil dauden bisita interesgarri batzuk

Baztandik hurbil dauden bisita interesgarri batzuk

Bukatzen joateko, beste zenbait aukera eskainiko dizkizugu, Baztandik oso hurbil. Iruditzen zaigu gustatuko zaizkizula. Izan ere, herrietako paradisuetan ez zaigu deus ere falta!

  • Zugarramurdiko leizea

    Zugarramurdiko leizea

    Elizondotik ordu erdira, iparralderantz joanda, esperientzia misteriotsu bat izan dezakezu Zugarramurdiko leizean.

    Haitzulo hori oso ezaguna da, sorginkeriari, akelarreei eta deabruaren gurtzari buruzko elezaharrak direla medio. Bisitaldian natura basatia eta Nafarroako historia uztartzen dira, eta segur gara gustatuko zaizula.

    Leizeko esperientzia erabatekoa izan dadin, gomendatzen dizugu hara joan aurretik Sorginen museoa ikus dezazula, Zugarramurdiko herrigunean baitago.

  • Urdazubiko leizeak

    Urdazubiko leizeak

    Haitzuloak gustuko badituzu, inguruan dauden beste batzuk ere ikus ditzakezu ibilaldia biribiltzeko. Urdazubiko leizeez ari gara.

    Hauek bestelakoak dira. Hemen estalaktita eta estalagmiten multzo liluragarria aurkituko duzu, eta, halaber, harkaitzean landutako areto itzelak, non nagusi diren iluna eta isiltasuna. Leku zirraragarria benetan, ikusiko duzu!

Oinez ibiltzeko gogoa izanez gero, bidexka zirkular polita duzu hemen, zalditxo urdin batekin seinaleztatua. Pottoka Urdinaren Bidexka da, 35 kilometro eginda Zugarramurdi, Urdazubi eta Sarako leizeak lotzen dituena.

Bertizko Jaurerriko Natur Parkea

Erne!, Baztandik oso hurbil Nafarroako basorik handienetako bat duzu.

Baso atlantikoa da, erreka gardenek zeharkatua. Mota guztietako bidexkak daude, bakoitzak bere gustukoa aukeratu dezakeelarik; lorategi historiko bat ere badago, eta sorpresaren bat edo beste ere izanen da.

Bertiz zoragarria da
Bertizko Jaurerriko Natur Parkea

Jada badakizu ibar txiki eta eder honetan zer eginen duzun?

Bada, hautatzeko ordua duzu: historia, natura, abentura... eta oraindik ez dizugu aipatu, baina primeran jaten da eta ostatuak xoragarriak dira, gela bat hartu nahi izanez gero.

Horrenbestez, berdin dio itxaropen asko dituzun; izanez ere, espero duzun guzti-guztia emanen dizu Baztanek.

CTA: Baztango jarduerak

Actividades en el Valle de Baztan

Kontsultatu hemen haranean eta inguruan egin ditzakezun plan guztiak

Ikusi plan guztiak

Primerako planak, bikainak, zoragarriak... Emadazu, mesedez, Nafarroan ibiltzeko gomendio gehiago!

Tori bada, hementxe dituzu beste hiru plan, nahi adina gozatzeko:

  • Iruña

    Iruña

    Hirigune historikoan paseatu, lorategiez gozatu, pintxo batzuk jan, ikuskizun batera joan…

  • Erriberri

    Erriberri

    Gazteluak eta haren hiribilduak Erdi Aroa erakutsiko dizute zuzen-zuzenean.

  • Urederraren iturburua

    Urederraren iturburua

    Nafarroako leku gutxitara joaten da horra bezainbeste jende. Zergatik ote?