Bi txirrindulari mendi gailurrean

Nafarroa bizikletan

Paisaia eta kirola bide bakoitzean

Bi gurpilak maite dituzu? Gustatzen al zaizu erritmo onean ibiltzea autoaren estresetik libre? Bada, zorioneko zaude, Nafarroa ezin hobea baita bizikletaz ezagutzeko.

Gure lurraldeak paisaia ugari ditu, eta guztientzako lur motak. Ordoki etengabeak ditugu, eta malda handiko lurrak, mortuak eta oihan sarriak ; bide berde eta naturalen sare bat ere bai, 120 kilometrorik gorakoa.

Azpiegiturak bikainak dira eta bistak… Harrituko zaituzte, ahazten ez diren horietakoak dira.

Beraz, ez izan zalantzarik: pedalei eragitea gustatzen bazaizu, hurrengo bidaian ekarri zure bizikleta edo alokatu bat. Ingurune ikusgarria, gure kontu.

Zergatik ezagutu Nafarroa bizikletaz eta BTTz

1.- Milaka kilometro zeharkatzea    

2.- Patxadaz ezagutzea eremua

3.- Autoa iristen ez den lekuetara heltzea

Bizikletak

Eta jangura pizteko...

Nafarroa bizikletaz liburuxka irakur dezakezu, begira zer itxura ona duen.

Hemen aurkituko dituzun bide-motak

Aurreratu dizugunez, Nafarroa bizikletaz ezagutzea, zeinarekin zatozela ere, ongi egoki dakizuken plana da. Bikotekidearekin, familiarekin, lagunekin edo bakarrik, txirrindulari-mota bakoitzerako aukerak ditugu. Begiratu, bestela, eskaintzen dizugun guztia.

animatuko zara?

Donejakue bidea Nafarroan:

Ziur entzun duzula Nafarroa dela bidea Penintsulan sartzeko atea. Bai, ezta?

Beno, jakin-mina baduzu, jakin ezazu bizikletaz egiteko bi aukera dituzula: errepidetik –trafikoa kontuan hartuta– edo seinaleztatutako bidetik, oinezkoak errespetatuz eta kontuan hartuz tarte zail batzuetan balitekeela bizikletatik jaitsi behar izatea. 

Prestatu zure etapak, eta aurrera!

BTT guneak

Ezagutu gure paisaiarik onenak gurpil gainean, haritzez eta pagoz osatutako oihan idilikoen, mendiko belardien, harkaitz txundigarrien, zereal-zelaien eta mahastien, basamortuen eta eskandaluzko amildegien artean, baita derrigor ikusi behar dituzun elementu kulturaletara hurbiltzen zaituzten ibilbide guztiak ere.

Bizikletentzako 3.000 km baino gehiago, maila guztietako ehunka bide seinaleztatutan banatuta eta eskualde osoan zehar sakabanatuta daudenak.

Infórmate aquí de todos los Espacios BTT
Txirrindularia mahastien artean

Nafarroako bide berdeak

Bide berdeei esker inoiz baino errazagoa da xarmaz beteriko eremu egokituetan barrena bidaiatzea, ibiltzea edo deskonektatzea. Ibilbide hauek trenbide estu zaharretan barrena joaten dira, eta naturan murgiltzeko aukera ematen dizute zailtasun handirik gabe. Hori dela eta, ezin hobeak dira familientzat, mugikortasun murriztuko pertsonentzat, adinekoentzat, haurrentzat…

Ez duzu aitzakiarik. Pulunpatu zaitez berdean bi gurpilen gainean: 5 bide berde dituzu zain Nafarroan.

Ikus bide berdeei buruzko informazio gehiago
Txirrindulariak Bidasoko bide berdean barna
Txirrindulariak Irati bide berdean barna
Txirrindulariak Eurovelon

EUROVELO 1 IBILBIDEA. ATLANTIKOKO KOSTALDEKO IBILBIDEA

Bazenekien Europa osoan bizikletaz ibiltzeko proiektu bat dagoela, eta 16 ibilbide eta 80.000 km dituela? Ba bai, ongi irakurri duzu.

EuroVelo 1 ibilbidea, Atlantic Coast Route (Atlantikoko Kostaldeko ibilbidea) izenekoa, horietako bat da eta Nafarroatik pasatzen da.

EUROVELO 1 - NAFARROA
Atlantic Coast Route Nafarroako Pirinio Atlantikoan barrena sartzen da penintsulan.

Endarlatsan hasten da, iparraldean, eta Donejakue bidearekin bat egiten du. 203 km dira, 5 etapatan banatuak, eta lehenengo biak egokitzeko, Bidasoako eta Plazaolako bide berdeen trazadurak batu dira, "Ederbidea" proiektuaren bidez.

Ezagut ezazu Eurovelo 1 Ibilbideak Nafarroan duen zatia

Eskuratu EuroVelo 1 eta bide berdeen ibilbide digitalizatuak

Eta ikusi zein diren inguruko mugarri turistikoak

Txrrindulariak

Kalkulatu zure ibilbidea

Bai, badakigu: ibilbide asko ditugu. Horregatik, ibilbideen kalkulagailu hau primeran etorriko zaizu, ez badakizu zer bide hartu bizikletaz ibilbide zehatz bat egiteko. Ibilbide onenaz gain, gertu aurkituko dituzun zerbitzu guztiak adieraziko dizkizu.

Gurpila zulatu zaizu? Arazorik ez!

Bizikletak norberak konpontzeko estazioak

Zikloturismoko hainbat bidetan daude, eta horietan norberak doikuntzak eta oinarrizko konponketak egin ditzake bere bizikletan. Denetarik dute: bizikleta esekitzeko kakoak, gurpilak puzteko manometrodun ponpa, olioa, allen giltzak, bihurkinak, desmuntagarriak eta giltza ingelesak.

Herri hauetan daude:

 

Zer iruditu zaizu?

Gure ustez, bizikletan ibiltzea gustatzen bazaizu, ezinezkoa da mendi-ibiliak edo abenturazko beste kirol batzuk ez egitea.