Ate irekien eguna Bertizko Jaurerrian

Lorategi botaniko batean murgiltzea eta espezie bereziak ezagutzea erakargarria iruditzen zaizu? Txinako gingkoak, Kaliforniako sekuoiak, Balkanetako gaztainondoak edo igebelarrak ikusi nahi? Zozoak, urtxintxak eta okil berdeak ezagutu nahi? Basoaren taupadak entzun nahi?

Orduan ezin duzu Bertizko Jaurerria Natur Parkeak antolatzen duen ate irekien jardunaldia galdu. Zalantzarik gabe, eremu babestu hau ezagutzeko aukerarik onena da. Publiko guztiarentzat antolatutako jarduerez gozatu ahal izango duzu.