Betagarri Trail Lokiz mendilerroan

Bizi ezazu Betagarri Trailaren zirrara, Antzinetik abiatu eta Lokiz mendilerroko paisaia ikusgarriak zeharkatzen dituen mendi lasterketa, Estellerrian. Ibilbideak hiru maila ditu (Trail 24 km, Ikatz 15 km eta Txiki 8,5 km). Hartara, parte-hartzaile mota bakoitzak bere neurriko erronka har dezake, naturaren erdian.

Aprobetxatu aukera inguruko txoko erakargarriak ezagutzeko, esate baterako:

• Berrotza ezezaguna eta hango monumentuak eta paisaia ia basatiak
• Vasco-Navarro Trenbidearen Bide Berdea, herri zoragarriak zeharkatzen dituena
• boilur-esperientziak Metautenen.
• Lizarra monumentala zain duzu, baita bere ondarea eta historia- giroa ere.
• Urederra ibaiaren iturburua, bisitariak aho zabalik uzten dituen paradisu naturala (ordu-erdira baino ez).

Eta, jakina, ez zaitez joan tokiko zaporeak dastatu gabe: txerrikume errea, arkumea txilindron erara edo potxak nafar erara, bertako produktuekin lagunduta, hala nola pikillo-piperrak, zainzuriak, patxarana edo Nafarroako J.D.-ko ardo aparta. Ukitu gozoa emateko, ez geratu Puyko arroka tradizionalak edo alpargatak probatu gabe.

Kirola, kultura, natura eta gastronomia uztartzen dituen astebururako plan ezin hobea.