Arazuri-Ororbia-Ibero. Arga ibaiaren ibiltokia

Iruñerriko Ibai Parkeak aukera ugari ematen ditu bide erakargarri eta errazak oinez zein bizikletaz egiteko. Iruña zeharkatzean topa ditzakegun ibiltari eta ziklista ugariak saihesteko, parkearen mendebaldeko zatian ibiliko gara, Arazuri, Ororbia eta Iberon barna, zehazki. 

Egin berria da tartea, eta Etxauriraino luzatzea aurreikusita dago. Joan-etorrikoa da, aparteko pendizik gabe, atsegina. Zorua on-ona da, hartxintxar trinkotua, gehien bat. 

Behin baino gehiagotan igaro behar da Arga ibaiaren ertz batetik bestera. Erabili beharreko zubi batzuk historia handi-handikoak dira, hala nola Arazuriko Zubiaundi, Ororbiako Erdi Aroko estilokoa (bazter utziko dugu) eta Iberoko Isterria, eta, beste batzuk, egin berriak, Ororbia eta Iberoko zaldainak eta Arazuriko zubi berria kasu. 

Edonola ere, beste edozein puntutatik ere egin ditzakezu paseo interesgarriak parkean barna. Webgunean (www.mcp.es/parque-fluvial/paseos) dituzu beste proposamen batzuk.