Santa Barbara eta Puntatxamar

Nafarroako Piriniora bidean, Nafarroako ekialdean eta Eska ibaiak zeharkatuta, Erronkari dago, Julián Gayarreren tenore ospetsuaren sorlekua eta izen bereko ibarraren bihotza. 

Erronkaribarrek bere BTT Eremua du. 15 bide deszentralizatu ditu bere geografia osoan barna. Egingo dugun bidea eremu honetan sartutako beste bi motzagoren batuketa da. 15.5 kilometroan daude biak, Erronkarin, eta biak ala bakarra egin daitezke, aukeran. 

Biak eginez gero, desnibel handia metatuko dugu, bi igoera luze, pendiz handikoak, egin beharko ditugulako: Santa Bárbara eta Puntatxamar. Hori bai, esfortzuak bista zoragarriak izango ditu sari. Bi gailurren jaitsierak, ordea, bizikleta gainean gutxieneko trebezia duen edonork egin ditzake. Santa Barbarakoa oso bizkorra da hasieran, eta hirigunearen goialdean amaitzen da. Eta Puntxamarkoa BTT Eremu honetan sartutako guztietan “flow” gehien duen jaitsiera da: azkarra, erraza eta dibertigarria. Gazteluko Birjinaren ermitan amaitzen da.