Sakanako itzulia

Nafarroako ipar-mendebaldean, Aralar eta Urbasa-Andia mendi hunkigarrien artean, pagoak eta haritzak, osinak eta iturburuak nagusi, Sakana ibar estu eta luzea zabaltzen da, Arakil ibaiak bustitzen duena.

Gailurren eta ibarraren arteko desnibel handia izanik, behealdean barna joango da bidea. Sartu-irten batzuk egingo ditu mende-magaletan barna, dena den, desnibel pixka bat metatzeko.

Emaitza gravel petoko itzuli bat da. Altsasu abiapuntu, mendebalderantz joko dugu, Ziordiraino. Handik, ekialderantz joko dugu, Olazti, Urdiain, Iturmendi eta Bakaiku igarota. Lizarragara igo, A-10 autobia gurutzatu eta Arbizu, Lakuntza eta Etxarri Aranatz zeharkatuko ditugu. Aralar mendiaren magalean azken sartu-irten bat eginda, abiapuntura itzuliko gara, garapen industrial handiko eta edertasun natural bikaineko ibar zoragarri bat atzean utzita.