Utzi Aztarna Positibo bat
Hautatu zure esperientzia
Aztarna Positiboak 15 esperientzia eskaintzen dizkizu turismoa bizitzeko era berri baten zati izan zaitezen, zure oroimenean eta hartu zaituzten pertsona, herri eta paisaietan iraungo duen era berri baten zati. Bat egingo al duzu joera honekin? Ezagutu aukera guztiak, eta aukeratu zure gustukoena.
Esperientzia bat bizi nahi dut baina han ostatu hartu gabe. Orduan, zer?
Proiektuari atxikitako landa-etxeetan ostatu hartzen ez baduzu ere parte hartu ahalko duzu, jarduera batzuetan. Zeintzuk diren jakin nahi al duzu?
Proiektua
Zer da Aztarna Positiboa?
Gehiago jakin nahi al duzu Aztarna Positiboari buruz? Ilusioz beteriko proiektu honen eskutik, Nafarroak bestelako turismo bat bizitzera gonbidatzen zaitu, zugan oroitzapen paregabea utziko duen esperientzia eraldatzailea... Ezagut itzazu proiektu birsortzaile honen anfitrioiak.
-
Nor dira hartzaileak?
Proiektuari atxikitako ostatuetan ostatu hartzen duten guztiak... Adin-mugarik gabe, egoera-mugarik gabe. Ostatu hartzen ez dutenek ere egin ditzakete esperientzia batzuk. Zure proiektu gustukoena aukeratu, data zehaztu eta abenturari ekin, besterik ez duzu!
-
Zer esperientzia-mota ditut aukera?
Anfitrioi bezainbeste: Tximeleta-oasi bat sortu, antzinako bidezidorrak lehengoratu, harrizko elementuak egin zeure eskuekin, habia-kutxak egin txorimalo baten barruan, txondor bati bizia ematen ikasi... Etorri eta parte hartu!
-
Zenbat esperientzia daude?
Aztarna Positiboko 15 esperientzia ditugu abiapuntu, baina abentura gehiago sartuko ditugu pixkanaka. Marea bat eragin nahi dugu, turismo birsortzailearena!
-
Zer da turismo birsortzailea?
Jasangarritasunetik harago doan mugimendu bat. Komunitate baten zati egingo zaituen proiektu batean parte hartuko duzu. Bizimoduak, kultura... partekatuko dituzu, eta, bidaia amaitzen duzunean, zure eskuei esker tokia hobea dela sentituko duzu!
Haren berri izan nahi? Egin klik!
Nor hobe esperientziak sortu dituztenak baino Aztarna Positiboa zer den kontatzeko. Nola sentitu... Hala nahi dute partekatu zurekin. “Bestelako Turismo” baten alde egin nahi duzu?
HISTORIAK ETA PERTSONAK
15 esperientzia, 15 begirada pertsonal
Aztarna Positiboa zer den ulertzeko, zer hobe haiek sortu dituztenen ahotsetik entzutea baino? Esaldi labur bat ulertzeko zergatik egin duten turismo birsortzailearen alde
-
Casa Aldabe
"Gure aitona Anselmo Lergaren familia osoaren bizileku izan zen eskorta lehengoratu nahi dugu, San Martin Unxeko mendi- eta mahats-paisaiaren interpretazio-gunea izan dadin".
RAQUEL CABODEVILLA
-
Casa Basaula
"Munetan dugun flora eta fauna oparoa partekatu nahiko nuke. Bidezidor bat egin nahi dut, bi zatirekin: tximeleta-oasi bat eta barruan habia-kutxak dituzten txorimalo batzuk"
MARIPAZ SAN JUAN
-
Casa Enekoizar
"Gure herria, Abaurregaina, suspertzeko proiektu komunitario bat egin nahi dugu, zerbait handiago baten zati senti daitezen denak. Denok elkarrekin lan egin herria ederragoa izan dadin”
MIKEL MARRODÁN
-
Casa Etxatoa
"Abenturazaleak behar ditugu, gurekin basoetan barrena murgilduko direnak asfaltorik ez zegoenean gure herrixkak lotzen zituzten bidezidor zaharrak lehengoratzeko, nola eta auzolanean, gure arbasoek egiten zuten moduan”
IÑAKI ETXEBARRIA
-
Casa Txandia
"Lehen gure gurasoengatik eta orain gugatik, 200 urte baino gehiagoko etxe honetan gordeta dagoen ondareari eusten diogu. Gure amonen bizimodu autosufizientea ezagutarazi nahi dugu. Gure egunerokoa bizitzera gonbidatuta dago datorrena”
MARÍA MARTÍNEZ
-
Markulloko borda
“Lorez eta txoriz bete nahiko nituzke gure etxea eta inguruko basoak, loreak landatuz eta haientzako etxolak eta janlekuak jarriz. Lan ederra naturaren eta tokiko komunitatearen alde"
MARUX GOÑI
-
Zigako Etxezuria
"Basoaren zaintzaile izan zaitezen nahi dugu... Landareak eta txoriak, zuhaitzak eta fruituak identifikatzen, Basajauna aurkitzen edo basoko soinuez jabetzen ikasten erakutsiko dizugu”
MERTXE AIZPURU
-
Casa Iratxeko Berea
"Gure landa-etxea gure bizi-proiektua da. Inguru pribilegiatu batean bizi garela badakigu. Eta partekatu egin nahi dugu, erakutsi harri bakoitzak historia bat duela, eta apopiloek beraiena eraiki dezatela"
MAITETXU LEONIS
-
Casa Manchito
"Gure amak egin zuen etxea, eta gure belaunaldikook hartu dugu orain lekukoa... Zero kilometro produktuen balio osoa eskaini nahi dugu, eta eremua, bakoitzaren jatorria, lanketa... erakutsi haien bidez.
NATALIA PALACIOS
-
Kaaño Etxea
"Basaburuko basoan hutsik zegoen eraikin bat zaharberritu genuen, urik eta argirik gabe. Hartara, uharte energetiko bihurtu den leku bat asmatu genuen. Ezagutza hori eskaini nahi dugu, baita basoen ondare immaterialari balioa eman ere"
ALBERTA CLARA
-
Casa Perunea
"Naturaren, animalien eta pertsonen arteko harremanen benetako funtsa deskubritzeko esperientzia bat eskaini nahi dugu"
BITTOR SALVATIERRA
-
Gure Sustraiak
"Konektatzera, sentsazioak partekatzera eta modu birsortzailean jardutera gonbidatzen dugu. Eta baratzarekin eta basoarekin konektatuz egiten dugu, baita biodibertsitatea ere sustatuz bertako landaketekin”
GORKA CUBELOS
-
Agroturismo Maricruz
"Proiektu honen bidez, mundu hobexeagoa egiteko dugun ilusioa partekatu nahi dugu, eta asteburuak ekoerronkak elkarrekin eginez bizitzeko gonbita egiten dizuegu"
LUISMI MONTOYA
-
Rural suite
“Bisitariak belatzen eta gaueko harraparien zaintzaile izatea nahiko nuke, inguruko zenbait animaliak pairatzen dituzten izurriteak kontrolatzeko. Material ekologikoak erabiliko ditugu”
PACO IRIZAR
-
Casa Gurbindo
"Kontzientzia eta proaktibitatea helarazi nahi ditugu, bizipen eta esperientzia integral eta sentsorialen bidez, gurasoengandik seme-alabengana igaro daitezen. Esperientzia betea Iruñean, historia, kultura eta natura uztartzen dituena"
GORKA CUBELOS
Nahi al duzu gehiago jakin Nafarroan barna modu jasangarrian bidaiatzeari buruz?
Ostatuak, paisaiak, gastronomia, agenda eta azokak, mugikortasun jasangarria, ibilbideak... Bidaia begirunetsua egin nahi baduzu, hamaika aukera eskaintzen dizu Nafarroak...
