Esperientzia: baratzea eta dastatze-menua Tuteran

Gure sukaldaritzaren jatorria deskubritzea proposatzen dizugu. Izan ere, gure baratzea bisitatu ez ezik, Tuterako barazki onenekin prestatutako dastatze-menu bat jango duzu ere. 

Jarduera 12:30ean hasten da, Remigio hotelaren atean. Handik, gure baratzea dagoen tokira joango gara, Mejanara. Han, Salcedo familiak azalduko dizue zergatik dituen barazkiak landatzeko hain baldintza egokiak Ebro ibaiaren ondoko paraje horrek. Bisitan, sasoi bakoitza nola lantzen dugun eta nola zaintzen dugun produktu bakoitza ikusiko duzu, eta gure gastronomiaren bihotza den toki horren inguruko bitxikeria batzuk ere ezagutuko dituzu. 

Bukatutakoan, El Choko de Remigio gure jatetxe gastronomikora itzuliko gara. Sasoiko barazkiekin egindako dastatze-menu bat izango duzue zain han, Luis Salcedo gure chefak prestatua, eta, nahi izanez gero, ardo-uztartzea ere, Juan Salcedo gure sommelierraren eskutik.