Ibilbidea 4x4 batean Bardean barna: abentura paisaia erdi-basamortukoen artean

Errege Bardea ikusi arte ez sinesteko toki horietako bat da. Eta modurik onena 4x4 batean egitea da, bide bakoitza, sakan bakoitza eta harrizko formazio bakoitza ezagutzen dituen gida aditu baten eskutik. Ibilbideak iparretik hegora zeharkatzen du parajea. Hurbiletik ikusiko dituzu mugarri nagusiak, hala nola Castildetierra, Pisquerra eta Rallón. Geologiaz, biodibertsitateaz eta ingurune natural ikusgarri horren historiaz ikasiko duzu. Urte osoan eskuragarri. 

Biosferaren Erreserba hori Nafarroako hegoaldean dago. Erribera da lurralde hori, zinez berezia, hala paisaia erdi-basamortukoak nola baratze emankorrak, eta upeltegiak eta zapore handiko herriak, uztartzen baititu. Esploratzeko denbora hartzen baduzu, zur eta lur utziko zaitu.