Bisita pribatua Mencoen Jauregira

XVI. mendetik habitatu izan den noble-etxe batean sartu eta hango gelak familia jabearen kide baten eskutik ibiltzea Nafarroako historiara hurbiltzeko oso modu bestelakoa da.

Tafallako Mencoen Jauregiak bisita pribatu eta gidatu hori eskaintzen du eraikuntzaren espazio historikoetan zehar. Familiaren mendetako historia gordetzen duten gela eta txokoak ezagutuko dituzu ibilbidean. Bisitaren osagarri, gainera, ardo batzuk dastatuko dira, familiak berak eginak, etxeari lotutako produktuak lagun.

Tafalla Nafarroako Erdialdean dago, Erriberriko Errege Jauregitik, xarmaz betetako ezinbesteko helmuga kulturala, 10 minutura autoz.