Artajonako trikuharriak

Paseo erraza da, egokia familientzat. Historiaurrera garamatza, korridore motako bi trikuharri bisitatuko baititugu (harri itzelek osatzen dituzte biak).

Ibilbidea aparkalekuan hastan da (informazio-panel bat dago). Hilerritik 4 kilometrora dago autoz. Hurbil, Enerizko atakako trikuharria dago, Nafarroan hobekien kontserbatutako historiaurreko monumentuetako bat. Harlauza handi-handiak ditu, eta tumulu bat ere, ia hiru metro luze. Artaxoaren bistak ederrak dira handik.

Bidexkatik aurrera jarraituz gero, 850 metrora, Ferrangorteko La Mina trikuharria dago, pinudi baten atzean. Antzinako hileta-aztarna horren eta inguruko aerosorgailu modernoen arteko kontrastea harrigarria eta erakargarria da.