Gazteluak eta harresiak (1)

Nafarroako erresumaren bihotzean gaude, San Frantzisko Xabierkoaren Nafarroako zaindariaren sorlekutik oso hurbil. Bidea Zangozatik abiatzen da.

Donejakue bidea hartuta, Xabierko gaztelura hurbilduko gara, zinez toki interesgarria. Zangozara itzulita, Oibarrera goaz orain, Rocaforte herri bitxia zeharkatuz. Uxuera bidean, Galipentzu, Erdi Aroko herria, da hurrengo jomuga, ikuspegi eder-ederrak eskaintzen baititu. Tarte gogorrena da, zalantzarik gabe, benetako hanka-hausgarria. Andre Maria santutegi hunkigarria dago kale harriztatudun herri horren gailurrean.

Behin igota, maldan behera hasiko gara, luze, eremu lehor batean barna. Uxue eta Murillo el Fruto arteko errepidea hartuz gero, 118 kilometrora murriztuko dugu bidea. Bestela, Zarrakazteluraino iritsiko gara. La Olivako monasterioa dago han. Tarte interesgarrienetako bat dator orain. Aragoi ibaiaren ertzetik ibiliko gara. Galipentzuko zubi erromatarretik, Kaseda zeharkatu eta azken kilometroei ekingo diegu pendizak gure alde jokatzen duela.