Irati

Bide ikusgarri hau Nafarroako iparraldean dago. Auritz du abiapuntu, eta bide batzuk kateatzen ditu. 

Lehen zatia errepide gainean da, Orreagaraino. Donejakue bidearen atea Nafarroan da, eta Erdi Aroko kolegiata ikusgarri bat dago. Han, EuroVelo 3 hartuko dugu, Orbaizetako arma-olaraino. Misterioz betetako tokia da, eder-ederra. Iratiko oihanera sartuko gara orduan. Hormigoizko pista batek Irabiako urtegiraino eramango gaitu. Urtegia inguratuko dugu, Iratiko etxoletaraino, pagadi ikusgarriak bidaide. Handik, Taplako lepoa igoko dugu, asfalto gainean. Bidearen punturik altuena da, eta bistak zoragarriak ditu. Handik, Garraldarantz joko dugu, asfalto gainean. Herrira iritsi baino lehentxeago, Ariztokiako begiratokira joan daiteke. Azken zatia pista batetik barna doa, baina errazagoa da. Auritzera itzuli aurretik, Zalduako arkeologia-aztarnategi erromatarra dago.