Erlan-Irabia Paradisuak

Iratiko oihanean, ibilbide hau pago eta izeien artean egiten da: argia adaburuen artean sartzen da, eta giro barea eta freskoa sortzen paraje natural handientsu honetan.

Abiapuntua Irabiako urtegiaren ondoko aparkalekua da, eta ibilbidea familian egiteko ezin hobea da. Pista izateari utzi eta bidexka estu bilakatzen da urtegiaren ertzetik, uraren eta ingurune berdearen ikuspegi panoramikoez gozatzeko. Interpretaziotauletan, basoaren aberastasun naturalari
eta aprobetxamendu jasangarriari balioa emateko gonbit egiten zaigu.

Errekaren gaineko pasabidetik igarota, Irabiako begiratokiraino heltzen da bidexka. Han, garai bateko almadia baten maketa dago, eta zura ibaian zehar nola garraiatzen zen ikusten da hartara. Handik, zirraragarriak dira urtegia eta egundoko Iratiko oihana: zuhaitzen itsasoak begi-eremu oso-osoa hartzen du. Azkenik,
behera egiten da leunki abiapunturaino,
naturak, historiak eta lasaitasunak lagundurik.