Ultzamako itzulia

Basaburua, zuhaitz zahar-zaharren ibarra, eta Ultzama, larrez eta bordaz betea, Nafarroako geografiaren bi bazter ezin galduzko dira, bikainak bizikletaz egiteko. 

Bideak Irurtzun du abiapuntu, Iruñetik 25 kilometrora baino ez, eta EuroVelo 1ari jarraitzen dio, asfalto gainean. Etxaleku zeharkatu eta Basaburuan sartzen da, Jauntsaratseraino. Handik, suabe-suabe joango gara, Orokietako bidegurutzeraino. Guk zuzen joko dugu, Ultzamarantz. 

Bideak Orgiko basoan barna eramango gaitu. Harizti heze zoragarri bat da, lautadakoa, balio natural handikoa. Halako oso gutxi daude gaur egun. Beste batean bisita genezake oso-osorik eta patxadaz.

Ultzama utzi eta bidearen hegoaldeko zatiari ekingo diogu. Ziako gaina gainditu, punturik altuena, eta Irurtzunera itzuliko gara.