Zelaiaundi Pagadi sorgindua

Bidexkak zonako historia eta natura, ikazkinen lanaren aztarna interesgarriak (Morterutxon) eta gailurretik dagoen ikuspegia erakusten ditu.

Bidea Urbasa-Andia Parke Naturalaren informazio zentrotik hasten da. Gero, lautada batzuk zeharkatu (pago, astigar eta elorri zuri eder-ederrak daude),
antzinako artzain-borda batetik hurbil pasatu, Gazbidea ibili (trenbide-trabesak ateratzen ziren handik) eta txondor batzuk erakusten ditu.

Zuzorkilgo pagaditik eta Mandaberardiatik igotzen da. 1.113 metroko altitudean, Artzanbaratza eta Balankalekuren artean, pagadi ikusgarri bat dago, zuhaitz batzuek 20 metro luze ere dutelarik. Pagadi sorgindua deitzen diote. Pagoen eta kareharrizko arroken arteko kontrastea liluragarria da. Gailurretik, primeran ikusten dira bai Sakana, bai Aralar. Bide beretik itzuliko gara hasiera-punturaino.