Zer eskaintzen dizute Nafarroa bizikletaz Klubeko BTT Eremuek?
Eremuetako bakoitzak 100 km ibilbide baino gehiago ditu, mailen arabera balizatuak. Gainera, BTT Zentroak dituzte, hau da, txirrindularien beharrak asetzen dituzten zerbitzuak dituzten harrera-zentroak, hala nola:
1) Zentrotik bertatik abiatzen diren ibilbideen mapak eta informazio teknikoa
2) Bizikleta garbitzeko, konpontzeko eta zaintzeko gunea
3) Aldagelak, komunak eta dutxak
4) Sukaldaritza-zerbitzua.
BTT Eremua Bizibide Lesaka
Pirinioetatik hurbil dago Lesaka herri ederra, eta BTT eremu hau du: cross-countryko 2 ibilbide eta enduroko 3. 27-38 kilometro bitartekoak dira guztiak, eta 1.000 metroko desnibela baino gehiago dute.
- BTT zentroa du, kiroldegian, zerbitzu hauekin: doako aparkalekua, dutxak eta aldagelak, nork bere bizikleta konpontzeko gunea, bizikletak garbitzeko gunea, bizikletak gordetzeko gunea eta spa. Gainera, Lesakak zerbitzu osagarriak eskaintzen dituen "Bizibide" zigiluari atxikitako dendak ditu.
Espacio BTT Eremua
Esteribarren dago, Nafarroako Pirinioetan. 21 ibilbide proposatzen ditu, guztira 300 km, pagadien artean, hala nola Kintoko pagadiaren, eta harizti eta gaztainadien artean.
- Harrera-zentroa, Zubiriko kiroldegian: ibilbideei buruzko informazioa ematen du, eta garbiketa-boxak eta aldagelak ditu.
- Nafar Basoak izenarekin elkartutako establezimenduen bidez, zerbitzu ugari eskaintzen dituzte: bizikletak alokatzea, alojamenduak, dendak, taxiak eta bakar-bakarrik zikloturismoaren sektorean aritzen den bidaia-agentzia bat.
BTT Eremua Tierra Estella-Lizarraldea
2.200 kilometro baino gehiago eskaintzen ditu, eta penintsula osoko BTT Eremu zabalenetako bat da.
Nafarroako paisaien aniztasun handia ikusi ahalko duzu, besteak beste, Urbasa-Andia Parke Naturala, Errege Altxonbideak, Donejakue bidea eta Vasco-Navarro Trenbidearen Bide Berdea.
- 7 BTT Zentro ditu
Irrisarri Bike Park
Irrisarri Bike Park ez da aurrekoak bezalako BTT eremu bat, Irrisarri Land Abendutura Parkearen barruan dagoen eremu bat baita. Mendiko bizikletaz ibiltzeko prestatutako instalazioak ditu, jaitsiera- espezialitatean. Hainbat gune eta zerbitzu eskaintzen ditu:
- Bike Park
- Dirt Park
- Pump Track
- Bizikleta lur orotan maneiatzeko eta materiala mantentzeko prestakuntza
- Ekitaldiak eta txapelketak antolatzea
- Bizikletak eta ekipamendua alokatzea
Hauxe gure eskaintza:
-
Nafarroa bizikletaz Klubeko enpresa guztiak ezagutzea
Nafarroa bizikletaz Klubeko enpresa guztiak ezagutzea
-
Nafarroan errepideko bizikletaz edo BTTz egin daitezkeen ibilbide guztiak ezagutzea
Nafarroan errepideko bizikletaz edo BTTz egin daitezkeen ibilbide guztiak ezagutzea