Iratiko oihaneko informazio-puntua eta ibaia

Nafarroa larrazkenean

Kolorez beteriko planak, Nafarroako larrazkenaren distiraz gozatzeko

Nafarroan, distira zoragarriko garaia da larrazkena. Naturak bere tonu urretsuak, okreak, gorriak eta laranjak zabaltzen ditu, eta klima atsegina da oraindik.

Hostoen kolore aldaketak, agertzen hasten diren perretxiko eta onddoek eta landetxeetako tximinietako lehen suek udan ez bezalako beroa ematen digute. Erosoagoa eta etxekoiagoa. Baina kontuz, horrek ez du esan nahi etxean geratu behar dugunik. Erakutsiko dizugu plan ugari egin daitezkeela Nafarroan, larrazkenean.

Oihana larrazkenean

Hostoak erortzen direnean

Baso magikoen artean paseatzea

Egia da oihanean paseatzea liluragarria dela urtaro guztietan, baina bat aukeratu behar badugu, larrazkenaren alde egiten dugu.

Zergatik?

Zuhaitzen kolore eztanda bakarra da urtean. Hostoak poliki-poliki erortzen ikusten ditugu, eta oinpean kraska nola egiten duten entzuten dugu, paseoei musikaltasuna emanda. Onddoak eta perretxikoak ugaritzen dira, eta bidezidorrak dibertigarriagoak bihurtzen dira. Gaztainak aurkitzen ditugu. Goroldioa dago. Tenperatura ona da. Bakea dago.

Eta ez ditzagun ahantzi oihane bainuen onurak. Terapia honek Japonian du jatorria, eta estresa arintzen lagunduko dizu oihanean bost zentzumenak erabiliz paseatzen duzun bitartean.

Arrazoi gehiago daude, baina hobe da zuk zeuk aurkitzea gure oihan onenetan:

Nafarroako naturgunerik bikainenak ezagutzeko bideak

Gastronomia: larrazkeneko plater zoragarriak

Larrazkenean ez dira bakarrik Nafarroako oihanak kolorez betetzen. Sukaldeak ere betetzen dira kolorez, sasoiak eskaintzen dizkigun osagai gozoei esker.

Gure inguruan hain ohikoak diren Lodosako pikillo piperrak edo onddo bildu berriak dastatzeko garaia da.

Gero, Zangozako potxak edo Uxueko artzain-apurrak jan ditzakezu, baita orein, basurde edo usoz egindako plater sendoak ere; oso preziatuak dira garai hauetan, eta ohikoak mendietan.

Hilabeterik hotzenak iristen direnean, neguan ia-ia, berdea oinarri duten menu gozoak dastatzen ahalko dituzu: borraja, kardua, txikoria, aza, orburua... Zapore berriak probatzeko eta Tutera, Erriberako hiriburua, bisitatzeko aukera paregabea.

Eta, noski, janari horrekin batera, Nafarroako ardo ondurik onena edanen dugu. Eta pauso bat harago joan nahi baduzu, hilabete hauetan, Nafarroako Ardoaren Ibilbideak jarduera eta esperientzia enologiko ugari antolatzen ditu.

Onddoak arrautzarekin
Migas de pastor

Larrazkenean ere erabil daitezke bizikletak

Bizikletak udan erabiltzeko direla esaten badute ere, larrazkena urtaro bikaina da pedalei eragiten jarraitzeko: ez dago ez hotz ez bero, egunak oraindik luzeak dira eta paisaiak kolorez beteta daude.

Familian bazatoz edo ibilbideak patxadaz egitea gustatzen bazaizu, Nafarroako bost Bide Berdeak gomendatzen dizkizugu. Komunitate osoan banatuta daudenez, askotariko paisaiak ikusiko dituzu, larrazkeneko ñabardurek ematen duten ukitu berezi horrekin: oihan atlantikoak, xarma handiko herrixkak, Irunberriko arroila ikusgarria edo mahasti gorrixkak eta Erriberako baratze zainduak.

Bestela, BTT guneak dituzu, zailtasun mota guztietako eta milaka kilometroko ibilbideekin: 2000 km baino gehiago Lizarrerrian, 46 ibilbide Erdialdean, 400 km Iratiko oihanean, 12 ibilbide Esteribarren eta 5 Erronkaribarren.

Eta oraindik ziur ez bazaude, Donejakue bidea bizikletaz egin edo EuroVelo 1 ibilbidea has dezakezu.

Bizikletetarako ibilbideen informazio gehiago
Txirrindulari taldea pagadian barna
Perretxikotara joatea

Perretxikotara joatea

Nafarroa paradisu bat da perretxikozaleentzat; izan ere, bi parke mikologiko ditu denbora-pasa horretaz gozatzeko. Biek baimenak ematen dituzte onddoak biltzeko, bisitak antolatzen dituzte eta aholkuak ematen dituzte mikologiaren gainean.

  • Ultzamako parke mikologikoa

    Iruñetik 25 km eskasera dago Ultzama; hor dago Orgi, mila urteko haritzak dituen oihana, eta, jakina, parke mikologiko ezaguna, non bisita ugari eskaintzen dituzten perretxikoen mundu magikora sartzeko hariztiez eta pagadiez gozatzen dugun bitartean.

    Ikus Ultzamako parke mikologikoaren webgunea

  • Erroibar-Orreagako parke mikologikoa

    Mendebaldetik hasita, Erroibar dugu, eta ondoren Auritz, Orreaga eta Orreagako kolegiata; denen artean osatzen dute parke mikologikoa. Guztira 15.500 hektareatik gorako azalera du; horietatik, 4500 hektareatik gora interes mikologikoko oihanak dira. Pagadien artean paseatzea gustatzen bazaizu, hauxe da zure parkea.

    Ikus Erroibar-Orreaga parke mikologikoaren webgunea

Emaitzarik gabe

Larrazkeneko planak gustu guztietarako

Lehen esan dizugunez, plan ugari ditugu, larrazkeneko hilabeteetan aire zabalean gozatzen jarrai dezazun. Ez gara gehiago luzatuko. Ikus ditzagun.


Izpiritua biziberritzeko larrazkeneko planak:

Zuhaitz-hostoak

Non ostatatu larrazkenean Nafarroara bazatoz

Badakigu oihanak bete-betean diren garai hau ezin hobea dela egurrezko etxola bat alokatzeko edo landa-hotel atsegin batean ongi zainduta egoteko.

Eta zorionekoa zu!

Nafarroan, naturaren energia guztia sentiaraziko dizuten landa ostatu zoragarriak ditugu:

Larrazkenerako beste proposamen kultural batzuk

Landa arkitektura eta erromanikoko eta gotikoko altxorrak estimatzen dituen horietakoa bazara, leku ezin hobean zaude, erresuma txiki honek legatu historiko eta artistiko paregabea baitauka.

Hona hemen ideia batzuk:

  • Naturan integratutako kultura mugarriak orrialdera joan Leireko monasterioa

    Naturan integratutako kultura mugarriak

     Gure monumentu esanguratsuenetako batzuk naturarekin lotuta daude; beraz, gozamena bikoitza da: Orreagako kolegiata, Aralarko San Migel santutegia, Muskildako ermita (Irati) eta Irantzuko eta Leireko monasterioak.

  • Gazteluak eta gotorlekuak orrialdera joan Artaxoako harresia

    Gazteluak eta gotorlekuak

     Aukera hau oso ohikoa da, eta jende guztiari gustatzen zaio, bai txikiei bai helduei. Ez galdu Erriberriko Errege-erreginen Jauregia, Xabierko Gaztelua edo Artaxoako zerkoa ikusteko aukera, herensuge baten bizkarrera ere igotzen ahalko zara eta.

  • Hiriko turismoa orrialdera joan Lizarrako Ruako San Pedro eliza gauez

    Hiriko turismoa

     Asteburu baterako bazatoz, hiru hirigune historiko polit proposatuko dizkizugu: Iruña, bere harresiekin eta katedralarekin; Tutera, bere plaza koloretsuarekin, hiri artez betetako karrikekin eta bere katedral erromanikoarekin, eta Lizarra, bere San Pedro auzo polit eta izugarriarekin.

  • Karrikaz karrika ibili herri politetan orrialdera joan Herria eta baserri zuriak

    Karrikaz karrika ibili herri politetan

     Hainbeste herri polit ditugu, non zaila baita batzuk bakarrik aipatzea: Elizondo, Irurita eta Amaiur, Baztanen; Larraintzar, Lizaso eta Iraizotz, Ultzaman, eta Auritz, Aribe, Otsagabia eta Erronkari, Pirinioetako ibarretan.

Interesekoartikuluak

Udazkeneko 12 baso-bainu onenak Nafarroan

Udazkeneko 12 baso-bainu onenak Nafarroan

Larrazkenean zatoz Nafarroara ederki jatera

Larrazkenean zatoz Nafarroara ederki jatera

10 plan bereziki original udazken ikusgarri bat igarotzeko Nafarroan

10 plan bereziki original udazken ikusgarri bat igarotzeko Nafarroan

Zer ikusi Nafarroan 3 egunean abenduko zubi honetan

Zer ikusi Nafarroan 3 egunean abenduko zubi honetan

Halloweneko enigmak eta misterioa Nafarroan

Halloweneko enigmak eta misterioa Nafarroan

Zer bisitatu Nafarroan abenduko zubian (5 egunean)

Zer bisitatu Nafarroan abenduko zubian (5 egunean)

3 ideia azaroko zubian ihes ederra egiteko Nafarroan

3 ideia azaroko zubian ihes ederra egiteko Nafarroan

Zer gordetzen du Nafarroak beste urtaroetan?

  • Bi zaldi Leurtzako urtegi ondoan Udaberria

    Udaberria

     Neguak bide ematen dio berde biziz, ibilbidez, gastronomiaz eta naturaz beteriko urtaroari.

  • Belaontzia Allozko urtegian Uda

    Uda

     Urteko hilabete beroenetan amalurra eta aire zabaleko jarduerak izaten dira nagusi.

  • Neska irakurtzen sutondoan Negua

    Negua

     Neguan sutondoan koilaraz jateko plater batekin etxean bezala sentitzeak ez du parekorik.