Artzibar Erromatar galtzada

Artzibarreko galtzada Zaragoza eta Bordele lotzen zituen antzinako erromatar bidearen barruan dago, eta ia 8 km egiten ditu Saragueta eta Artziko Andre Maria elizaren artean: herriak, hariztiak, ezpelak, larreak eta, hurbil, antzinako erromatar termak.

Bidexkaren abiapuntua Saraguetako San Joan plaza da, eta gora doa kale nagusian zehar. Ibilbidearen zati handi bat EuroVelo 3aren barruan dago, hegalaren erdian eta ikuspegi zabalekin. Mendixka baten ostean, Urdirotzetik eta Aintzierrekako sakanetik jaisten da Urrobi ibairaino eta
Uritzeraino; han, dorretxe zainduak daude.

Bideak NA-1720 errepidea, Zanduetan, eta Urrobi ibaia zeharkatzen ditu, eta azken tartean eskuinaldean uzten dira erromatar termen hondarrak. NA-2040aren azpiko pasabidea igarota eta Artziko jauregia eskuinean utzita, bidexka Andre Maria elizan amaitzen da. Adi egon Urrobi ibaiaren uhaldietan eta ehiza-garaian (abuztutik otsailera).