Bisoiaren Bidea

Erraza eta erabat laua da Arga ibaiaren ertzean zehar doan bide hori, Azkoien eta Funes artean, bikaina pasieran ibiltzeko. Funesetik, hezegune interesgarriak dituzten meandro batzuk bisita daitezke. Bisoi europarraren habitata faboratzeko egokitu dute zona. Bizi, ertz hauetan bizi bada ere, gutxitan ikusiko dugu, ez baitzaio gustatzen agerian jartzea.

Bideak Río kaleko parkea du abiapuntu, Arga ibaiaren ondoan, Azkoienen. Informazio-panel bat dago. Eskuineko ertzetik jarraituko dugu Funeseraino. Han, NA-6630 errepideko zubitik igaro eta ibaiaren ondoan dagoen parke batetik egingo dugu aurrera. Funes atzean utzita, makaldi batera iritsiko da bidea, utzitako meandro baten ondoan (piknik-gunea dago). Funesera itzuli, eta ezkerreko ertzetik jarraituko dugu orduan. Desbideratze bat topatuko dugu (aukerakoa), hezeguneak eta hegaztiei so egiteko puntuak dituen meandro batera doana.

Bidea behortegi baten aldamenetik doa Azkoiengo sarrerako parkeraino. Eskailerak igo, NA-8701 errepidera iritsi eta ibaia gurutzatuko dugu. Handik, abiapuntura itzuliko gara. Funesetik ere has daiteke bidea egiten. Aparkalekuak, komunak eta informazio-panela daude.

Bisoiaren bidea 40 km luze da guztira.