Erdialdea

Nafarroako Erdialdean murgilduko gara, bere hegoen dagoen aldean, zehazki. Zereal-soroak eta mahastiak izango ditugu bidaide, hots, Nafarroako erdialdeko eta hegoaldeko ohiko paisaia mediterraneoa. 

Tafallatik abiatuta, Gerinda mendilerroan barrena ibiliko gara lehen zatian. Gero, Puiun, Orbaibarrerantz joko dugu. Bidean, punturik altuena topatuko dugu, Olletako gaina, aldapa handirik gabea. Maldan behera, San Martin Unx zeharkatuko dugu, Erriberrira bidean. Erdi Aroko herria da Erriberri, kale harriztatuak dituena, baita gaztelu ikusgarri bat ere. Bidearen bigarren zatia hasiko da orduan.

Errodadoreentzako tarte polita da, Miranda Arga, Berbintzana eta Larraga zeharkatuta Artaxoaraino eramango gaituena. Zerko harresitu ikusgarria du gailurrean, herriaren babesgarri.

Tafallara itzuliko gara orain, bi herrien artean dagoen mendate txikia gaindituz.