Trikuharrien ibilbidea

Balio paisajistiko, naturalistiko eta historiko-kultural handikoa, hamar trikuharriren hondakinak eta basoaren sekretuak erakusten ditu bideak.

Etxarri Aranatzeko kanpinetik abiatzen da, eta Sakanaren iparraldeko mendihegaletako pagadi eta hariztiak zeharkatzen ditu. Eskuinetara pista bat hartu eta Iraigorri errekaren gaineko zubia igarota, San Adrian ermitara iristen da. Handik, Beitzetako trikuharrira igotzen da.

Jarraian, Iruiturrieta, Jentilzulo eta Bentatxarko trikuharriak daude (seinaleak urriagoak dira han), Irumugarrietako gailurrera iritsi aurretik (Gipuzkoa ikusten da handik). Aurrerago, beste hiru trikuharri daude (Zelatamuno, Mintegitxuta eta Txaradigorri), eta, ezkerretara, beste bi (Fagamendi eta Maitzegur). Jaitsierak sigisaga egiten du. Gero eta maldatsuagoa da, eta, distantzia, desnibela eta trazatua direla eta, behar bezala ekipatutako mendizale prestatuek soilik egin beharko lukete.