Zabaleta basoa

Iratiko oihaneko paseo honetan, harmonia aurkitu daiteke basoaren, uraren eta paisaiaren erdian, edertasun handiko ingurune natural pribilegiatu batean.

Iratiko etxolak ditu abiapuntu, aparkalekuan, basozainen informazio-etxolaren ondoan. Irabiako urtegira doan baso-pistari jarraitu behar zaio. Pago eta izeien artean gora egiten duen bidexka hartu behar da, La Cuestión mendiko edo Zabaletako hegoaldeko isurialdearen hegalean zehar. Bideak aurrera
egiten du basoan barrena eta ingurunearen ikuspegiari begira. Zabaleta errekaraino jaisten da, baso-etxerantz doan pista hartzen da berriro, eta han desbideratzen da Irabiako urtegiaren azkenerantz.

Itzulera baso-etxean hasten da. Duelas erreka gurutzatu eta gero, igo eta eskuinetara hartu behar da emeki, Irati ibairantz. Zabaleta erreka berriro gurutzatu ostean, igoera dator, baso-pistarekin bat egiteko. Azkenean, aurrera jarraitu behar da abiapunturaino.