Tirolinak eta jendea abentura-parkean

Taldean etorri eta gozatu Nafarroaz: bizi esperientzia dibertigarri bat zure adiskideekin

Proposamen piloa dugu zuek Erresuman dibertitzeko

Zuk aukeratu konpainia eta Nafarroan gainerako guztia emanen dizugu.

Askotariko aukerak dituzue Nafarroan, bai joan-etorri lasai bat egiteko, bai bidaia aktiboxeagoa bizitzeko ingurune naturaletan zehar, bai city break bat egiteko Iruñera etorrita.

Baina, aizu, agian egun gehiago dituzue eta bidaia luzeagoa egin nahi duzue Nafarroan barrena, aukera desberdinak aprobetxatzeko: naturako jarduerak, bisitaldi kulturalak, ikuskizunak, gure gastronomia bikaina...

Beraz, Nafarroan ez daukazue aspertzerik.

Berdin dio zenbat pertsona zareten, Nafarroan beti izanen baituzue plan egoki bat taldean edo koadrillan etorri eta disfrutatzeko.

Jale onak zaretela? Bada orduan hementxe duzue zain gure gastronomia zoragarria

Adiskide-taldekoak jatunak bazarete, gauza goxoak janen dituzue Nafarroan.

Izan ere, bertako produktuak bikainak dira eta, gainera, sukaldaritzako tradizioa bizirik dago lurralde honetako txoko guztietan; ez bakarrik jatetxe, erretegi eta sagardotegietan, baita, esaterako, kaleetan eta bestetan ere.

Zenbait ideia emanen dizkizugu, lagunarterik onenean hemengo gastronomiaz gozatzeko.

  • Bi neska ardo-dastaketan

    Enoturismoko jarduerak

     Ardo on bat ere gustura dastatuko duzue, ezta?  Hiru jatorri-deitura ditugu eta horrek garbi erakusten du Nafarroa ardoen lurraldea dela. Beraz, Erresumako edozein tokitan izanen duzu adiskideekin topa egiteko aukera.
    Ikusi hemen Nafarroako Ardoaren Ibilbideko  proposamenak.

    Ikus enoturismoko plan gehiago
  • Lagun taldea tabernan poteatzen

    Iruñean eta Tuteran barrena pintxoak jaten

    Jada esan dizugu gastronomia kalean dastatzen dela, eta bereziki hirietako pintxo-ostatuen kaleetan. Ostatuetako barrak pintxo goxoz beteak: horixe izanen da Nafarroako bidaiaz gogoratuko duzun paisaia gastronomiko onenetako bat.

    Lehen mailako produktu batekin egindako mokadutxoak, izen handiko sukaldarien

    Pintxoak jatera goaz
  • Sagardotegi bateko txotx giroa

    Erretegiak eta sagardotegiak

     Ezin zara Nafarroatik joan bertako ohitura atseginenetako bat probatu gabe: bertako sukaldaritzako platerez gozatzea sagardotegi edo erretegi batean.
     Gogoan izan bakailao tortilla, sagardotan egositako txorizoak, txuletoiak, azpizunak... Hemen ez da goserik pasatzen, ez horixe! Egarririk ere ez: sagardotegietan gustura edaten du jendeak. Giroa ere ederra irudituko zaizue.

    Sagardotegira goaz

Beste plan gastronomiko batzuk

Eta landa-ingurunean ibiltzea gustuko dutenak joan daitezke eztitegiak, olio-errotak, gaztandegiak edo gatzagak bisitatzera. Denetarik dugu hemen!

Lagun taldea ibaian beheiti, txalupan

Naturan dibertitzeko aukera

Badakigu zer gertatuko den...

Hona etorri eta argazkiak atera eta atera ibiliko zarete bertako paisaia zoragarriei. Beraz, mugikorreko bateria ongi kargatuta ekarri, eta gero, badakizue, zuen sare sozialetan erakutsi #visitnavarra traolarekin. Ea taldean nork lortzen dituen “atsegin dut” gehiago!

Gure naturari buruzko informazio guztia

Gorputza mugitzeko ordua iritsi da

Lagunen arteko kirola modan dago, bai; elkarri erronka jo, barre gustura egin eta, gainera, horrela denok animatuko zarete, nagiak eta guzti. Taldeko kirolzalea bazara, zuri dagokizu ibilbidea antolatzea: oinez ala bizikletaz joanen zarate?

Adrenalina askatu beharra duzuela? Bada, orduan, turismo aktiboa aukeratu.

  • Bikotea mendi-ibilia egiten larre berde eta ardi tartean Mendi ibiliak

    Mendi ibiliak

    Haritz eta pagoen artean, ibai, urtegi edo ur-jauzien ondoan.

  • Txirrindulari taldea pagadian barna Bizikleta eta mendiko bizikleta

    Bizikleta eta mendiko bizikleta

    Bide berdeak, Donejakue bidea, mendiko bizikletarendako eremuak edo Eurovelo 1 ibilbidea.

  • Parapentean eta Beriain mendia urrunean Abentura-kirolak

    Abentura-kirolak

    Raftinga, delta hegoa, arroila-jaitsiera, espeleologia, tirolinak...

Abentura-parkeak

Parke horietan natura, kirola eta jolasa batzen dira gune bakar batean. Elementu guztien batura zoragarria toki bakar batean!

Beraz, hona etor zaitezke zeure burua tirolinetan botatzera, zubi esekiak igarotzera, uretarako jarduerak egitera eta baita animaliak beren habitat naturalean ikustera ere. Baina parke hauek beste gauza asko ere emanen dizkizute.

Eta hori guztia naturan ederki txertatuta dagoen ingurune batean. Etorriz gero, a zer barreak eginen dituzun.
 

Bistaratu abentura parke guztiak
  • Sendavivako bosleigh-a

    Sendaviva

  • Abentura-parkeak Gizona piraguan Baztan Abentura Parkeko zuhaitz artean

    Irrisarri Land

  • Gizona piraguan Baztan Abentura Parkeko zuhaitz artean

    Baztan Abentura Park

  • Bertiz Abentura Parkeko sarrerako kartela

    Bertiz Abentura Park

  • Neskatikoa arborismo egiten Artamendia abentura-parkean

    Artamendia abentura parkea

  • Arborismo en Beigorri Abentura Park

    Beigorri Aventura Park

Iruñeko ikuspegia: harresiak eta Artxibo Nagusia

City break eta kultura

Nafarroa kulturaz blai dago.

Izan ere, lur hau bidegurutze bat da, eta haren iragan aberatsaren distirak argiz bete ditu bertako herri eta hiriak; baita oparotasun artistiko handiko helmuga bihurtu ere.

Lagunekin egiteko proposatzen dizkizugun plan bikain hauetan, hori guztia ederki egiaztatzen ahalko duzu.

  • Bidaiatxo bat Iruñera

    Asteburu batez kanpora joateko irrikan zaudete?

    Primeran, zeren Iruña, hiri sotila izan arren, harrigarria baita. Bertako hirigune historiko eta monumentalak herri abegitsu bat dirudi askotan; gainera, hor dituzue harresi, lorategi eta pintxo-ostatu zoragarriak.

    Beste zerbait nahi? Kontzertu eta ikuskizunak? Horietarik ere bada gure hirian.

    Hemen emanen dizugu guztiaren berri.

    Iruña ezagutu nahi dugu
  • Kulturaren alorreko ezinbestekoak

    Egonaldi laburra egiteko asmoa baduzue, gure toki kultural ederrenak ikusi beharko dituzue gutxienez:

    Bestalde, zuen egonaldia luzatzen baduzue, historiaurreko aztarnategiak ikusten ahalko dituzue, eta erromatarren garaiko herrixkak, Donejakue bidean eraikitako eliza erromaniko eta gotikoak edo oraindik ere kantu gregorianoan aritzen diren monasterioak.

    Ikusi Nafarroako kulturaren gauza gehiago

Beste plan kultural batzuk

Bisita gidatuak hirigune historikoetara, museoetara, monumentu erlijiosoetara edo aztarnategietara. Kostatuko zaizue bat aukeratzea...

Taldeendako ostatuen bila zabiltzate?

Ezin hobeki! Izan ere, Erresuman apartamentu, aterpetxe eta landetxe ugari daude, behar beste espazio dutenak guztiok, handi zein txiki, esperientzia dibertigarria izan dezazuen; gustura gogoratzeko moduko esperientzia bat, hain zuzen.

Naturan murgiltzea gustatzen zaizuela? Badugu zuendako eskaintza polit da: kanpinak eta bungalowak, ama lurraren altzoan gustura ibiltzeko.

Nafarroa, are zoragarriagoa taldean etorriz gero. Helmuga garbi dago; zailena ados jartzea izanen da.

Ikusi dugunez, planak ez zaizkizue faltako; edonola ere, gehiago nahi baduzue, ikus itzazue gure ezinbestekoak:

Noiz etorriko zarete?

Hara zer egin dezakezun urtaro bakoitzean