Ibilbidea Zangozerria eta Pirinioaurretik

Kultura-turismoaren zaleek —biziki— maite duten beste gune bat. Eta ez da gutxiagorako, zeren begira zer altxor ditugun hemen.

• Ezinbestekoak: Irunberriko eta Arbaingo arroilak​​​​​​​​​​
• Leyreko monasterioa
• Xabierko gaztelua
• Zangoza
• Erdi Aroko txangoaren ginga
• Gastronomia
• Turismo aktiboa kirola maite dutenentzat
• Planak
• Agenda​​​​​​​

Leireko monasterioarekin hasiko gara. Nafarroako multzo arkitektoniko garrantzitsuenetako bat da, natura-ingurune zoragarri batek besarkatu eta, atzealdean, urtegi handi bat duena; koadro bateko moduko ikuspegia. XI. mendeko kripta, ganga gotikoa eta Porta Speciosa –ate preziatua– dira bere arkitekturaren elementurik nabarmenenak.

Eta biziki gomendatzen dizugu gelditzea, baina benetan, bertan bizi diren monje beneditarren kantu gregorianoak entzuteko.

Bada, Nafarroako ekialdean dagoen monumentu-hiri txikia da; Done Jakue Bide frantsesaren bigarren adarrean dago, eta nahitaez egin beharreko geldialdi bat, gutxienez, badu. Andre Maria Erregina eliza eta bere atari ikusgarria, erromanikoaren obra gailena eta, horregatik, monumentu nazional izendatua dagoena XIX. mendetik. Atariak berak merezi du bisita gidatua egitea, baina, bide batez, hiriko historia interesgarria eta beste eraikin batzuk ere ezagutzen ahal dituzu, hala nola Santiago eliza edo bi jauregiak: Barrokoaren garaiko Vallesantoro, egurrezko teilatu-hegal zoragarria duena, edo Erdi Aroko Vianako printzearen jauregia. 

Ah! Eta uda baldin bada eta inguruan bazkaldu behar baduzu, dasta itzazu potxak, hau da, babarrun zuri fresko goxo-goxoak...

• ​​​​​​​Potxak (babarrun zuria)
• Gaizkata-kabiarra
• Agoizko kostrada, kanpotik bizkotxoaren antzeko azala eta barrutik krema leuna dituen postrea.
• Mendialde Behereko ardoak
• Ardo ekologikoak