Errekaidorra

Mugaz haraindiko bidexka hori eder askoa da, Zaraitzu eta Zuberoko lurretan zehar. Gainera, paregabeki murgiltzen gaitu Iratiko baso aprobetxamenduaren historian.

Ibilbideak Iratiko etxolak ditu abiapuntu, eta basoan sartzen gaitu Itsuosingo ur-jauziraino: zinez txoko polita. Sei museo-puntu daude aire zabalean: arraunak, masta, esklusa, errautsak, kableak eta bideak. Halaber, informazio-taulak daude florari, faunari, geologiari eta abarri buruz.

Era horretan, baso hauetako pago eta izeien nondik norakoak ikas daitezke, oso preziatuak baitziren galeoiak eraikitzeko, eta jakin daiteke zer metodo erabiltzen
zituzten enborrak arrastaka eramateko edota nola erregulatzen zuten ibaiaren emaria enborrak garraiatzeko. Azken tarteak ibaiaren ibilerari jarraitzen dio, abiapuntura eramaten gaituen beste bidexka zirkular batetik. Ibilbidea baso-pista eta bideetan zehar doa. Egun euritsuetan, baliteke zati
batzuk lokaztuta egotea.