Irisgarritasun fisikoa Nafarroako Turismoan

Bertizko Jaurerriko Parke Naturalak mugikortasun urria duten pertsonentzat erreserbatu eta seinaleztatutako 4 aparkaleku-plaza ditu. Turismo-bulegoa parkeko aparkalekuaren dago, eta komunak ere, egokitutako kabinak dituztenak.  Laguntza behar da bi zerbitzuak erabiltzeko, ateek pisua handia dutelako eta komunetara jaisten den arrapalak inklinazio handia duelako.

Bertizko Jaurerriko Interpretazio Zentroak kendu egin ditu oztopo arkitektonikoak, eta egokitu egin da desgaitasun fisikoa duten pertsonek erakusketa interaktiboan parte har dezaten.

300 metroko bidexka irisgarri bati esker, lorategi botanikoa zeharkatu eta parkeko oihan-sistemak eskala txikian ikusi ahal dira. Zer eguraldi egiten duen, zorua irregularra izan daiteke, eta agian lagundu egin beharko zaie gurpil-aulkia erabiltzen dutenei. Eta beste bi bidexkak erraztasunak dituzte desgaitasun fisikoa duten pertsonentzat. Aizkolegiko bidexkaren hasiera da bata, 2 kilometrokoa, parkeko baso-pista nagusian barna, eta Erreparatzekoa, 1,5 kilometrokoa, Bidasoa ibaiaren ertzetik igarotzen dena.

Urbasa-Andia Parke Naturalak bidexka egokitu bat du mugikortasun urria duten pertsonentzat: Morterutxoko bidezidorra. Ibilbidea zirkularra eta 800 metro luze da.  Aparkalekuak plaza erreserbatuak ditu, baina askaldegiak ez du mahai irisgarririk, ez eta eserlekurik ere. Bidezidorraren zati batzuetan, % 8tik gora malda dago.

Oraingoz, kanpineko komunak dira aukerarik onena, kabina erabat irisgarriak baitituzte. Kanpinean ostatu hartu ezean, aurretik baimena eskatu behar da tabernan edo harreran. Harrera ez da irisgarria, baina taldeak tratu oso eraginkorra ematen du. 

Leurtzako urtegietan badago irisgarritasun fisikoko neurriak dituen bidexka bat; laburra da, 2 kilometrokoa, zailtasun txikikoa, eta beheko urtegia inguratzen du. Aparkalekuak plaza erreserbatuak ditu mugikortasun urria duten pertsonentzat. Bidexka gurpil-aulkian ere egin daiteke, eta zokalo bat du ibilbide osoan. Eserlekuak eta atsedenlekuak ditu, eta ongi seinaleztatuta dago. Ibilbidearen erdian eta bukaeran, % 8tik gorako maldak daude. Zati batzuek zoladuran trinkotze eskasa dute, eta eguraldiaren baldintzek okerragotu egin dezakete egoera.

Iratiren Bide Berdea, Irunberriko arroilan, irisgarria da gurpil-aulkietarako, baina zati batzuetan zoladura irregularra de eta deserosoa izan daiteke.

Arroilak Ezagutzeko Zentroak, Irunberrin, Nafarroako habitat berezi horiei buruzko informazioa ematen du; ikus-entzunezko interesgarria du, eta irisgarria da lau solairuetan. Igogailua txikia da, baina mugikortasun urria dutenek erabil egin dezakete. Komun egokitua txiki samarra da; kabinaren barruan, 1,2 metroko diametroko bira egin daiteke. 

Nafarroako Erriberan dagoen basamortu harrigarri honek Bisitariei Informazioa eta Harrera Egiteko Zentro bat du, mugikortasun urria duten pertsonentzat egokitua. 34 kilometroko ibilbide bat du paisaia bitxi honetako lekurik ikusgarrienetan barrena. Activa Experience enpresak eskaintzen dituen boogy egokituetan, zinez dibertigarri eta seguruak, egin daiteke paseoa.

Ibar honetan, ezinbestekoa da Belaguako zokoa edo Mata de Hayako basoa bisitatzea; Zentzumenen Bidexka dago han, 700 metro luze, ia 1.000 metrotan dagoen pagadi batean. Hala atsedenlekuak nola aparkalekuak baldintza onak dituzte gurpil-aulkian mugitzen direnentzat, baina ez dira guztiz irisgarriak. Bidexkak entzumenaren eta usaimenaren bidez esperientzia sentsoriala izatera bultzatzen du. Basoak badu ibilbide bat, 1,7 kilometro ingurukoa, mugikortasun urria dutenentzat, eta seinaleztatuta dago.

Erronkaribarrean, ibilbide zati batean irisgarri bat dago, Burgin. Basariko eta Burgiko arroilako bidexkaren hasiera da, eta Eska ibaiaren ezker ertzetik doa. Mugikortasun urria duten pertsonentzat egokitutako ibilbide hori Erdi Aroko zubian hasten da, Lanbideen Pasealekuan barna jarraitzen du eta elurtegiraino iristen da. Elementu etnografikoen birsorkuntzak informazio-panelak ditu, eta han dagoen almadia, ikusgarria, tamaina errealean, nabarmentzekoa da. Zoladura asfaltatuta eta ongi trinkotuta dago, zolatu gabeko tarteren batean izan ezik. Bidea 150 cm-tik gora zabal da, eta zirkuluak egin daitezke oztoporik topatu gabe. Kontuan hartu behar da tarteren batek % 8tik gorako malda duela.

Ultzama ibarrean, Iruñetik 25 kilometrora, Orgiko basoa dago. Egun urtetik gorako harizti honek eta hango zerbitzuek irisgarritasun fisikoko hainbat baliabide dituzte. 
Aparkalekuan bi plaza daude erreserbatuta. Askaldegian dauden mahaien artean badago bat aulkiaz aurrez hurbiltzeko aukera ematen duena. Komuneko kabina egokitu bat dago, transferentzia-espazio bikoitzarekin, baina lurzoru irregularreko tarte bat dago sartzeko. Hariztia zeharkatzen duen bidexka mugikortasun urria dutenek egiteko moduan dago, egurrezko pasabideak eta alboko babesak baititu, nahiz eta tarte batzuetan lurzoruaren trinkotzea ez den egoki-egokia. Eta, azkenik, begiratoki bat eta hegaztien behatoki bat daude, eserlekuak eta gurpil-aulkietarako lekua dituena.

Mendukiloko kobazuloa oinez bisitatzen da. Astitzen dago, Aralar mendian bartan. Pasabide flotagarri baten bidez, 40 metroko sakoneraraino iristen da, eskailera ugari-ugari erabilita; 540 metroko ibilbidea da guztira. Mugikortasun urria duten pertsonek ere egin dezakete bisita. Esperientzia hori ahalbidetzeko, Mendukiloko taldeak bisita birtual bat prestatu du 360º-ko bideo eta argazkien bidez (errealitate birtualeko betaurrekoak jantzi behar dira horretarako). 

Animaliak, atrakzioak eta ikuskizunak batzen ditu parkeak, eta beharrezko elementu asko ditu mugikortasun urria duten pertsonentzat. Adibidez, plaza batzuk erreserbatu dira sarreratik hurbilen dagoen aparkalekuan, eta garraioa irisgarria da parke osoan; horrez gain, mostradore eta komun irisgarriak daude esparruko toki guztietan. Eremu horietako batzuetan komunak unisex dira. 

Jatetxeak, ikuskizunak eta atrakzio batzuk guztiz irisgarriak dira mugitzeko zailtasunak dituztenentzat. Parkeko laguntza-taldeak desgaitasuna duten pertsonekiko tratuan eta elkarreraginean prestakuntza jaso du. Sendavivako irisgarritasunari buruzko informazio gehiago, webgunean.

Lizarrako pinakoteka honen helburuetako bat da gizartearen kohesioa sustatzea kulturaren bidez. Horretarako, bisita gidatuak eta talde bakoitzaren beharretara egokitutako jarduerak antolatzen dituzte. Horrela, museoa espazio ireki bihurtu nahi da, pertsonak barne hartuko dituena, haien gaitasunak estimulatzeko eta nork bere burua hobeto ezagutzen laguntzeko. Duela gutxi, igogailu zabal batek museoaren 3 solairuak lotu ditu, kanpotik, eraikinaren patiotik.

Lizarrako museo historiko honek igogailuak, arrapala mugikorrak eta komun egokituak ditu mugikortasun urria duten pertsonentzat.

Tuterako pintura-museo honek  mugikortasun urria duten pertsonentzat egokitu du sarrera nagusia. Eraikinak 4 solairu ditu, eta igogailu batek egin ditu irisgarri. Bere webguneak dio zerbitzu eta instalazio guztiak irisgarriak direla pertsona guztientzat.

Tuterako Museoaren webguneak bisita birtuala eskaintzen du esteka honetan. Bertan, eraikinean ibilbidea egin dezakezu, eta eskailerak eta desnibelak daudela ikusi. Eremu batzuetan ezinezkoa da gurpil-aulkiak erabiltzen dituzten pertsonak sartzea, baina beste batzuetan, bai, laguntzarekin bada ere.

Altzuzan, Iruñetik oso gertu, dagoen museo honek mugikortasun urria duten pertsonentzako aparkaleku-plaza bat du parkingean. Sarreran desnibel txiki bat dago, eta gurpil-aulkiak albotik hurbil daitezke harrera-mahaira

Eraikinak igogailua, eskailera-igogailua eta arrapalaren bat ditu (% 10eko maldarekin, gutxi gorabehera). Erakusketa-aretoak zabalak dira, eta arazorik gabe egin daitezke biraketak, oztoporik topatu gabe. Bi komun irisgarri daude, eta ate gidaridunak, transferentzia-barrak eta oztoporik gabeko 150 cm-ko espazioa dituzte.

Iruñean dago, eta bai aldameneko parkingean, bai museoko auditorioan, mugikortasun urria izanik gurpil-aulkiak erabiltzen dituzten pertsonentzako plazak eta espazioak daude . Igogailuak zabalak dira. Komunek kabina egokituak dituzte, banakakoak. Eta, webgunean esaten dutenez, behar duenari gurpil-aulkia mailegatzeko zerbitzua eskaintzen diote.

Museoaren webgunean, aretoak miatu eta ikusgai dauden erakusketetako batzuk bisitatu ditzakezu. Bisita birtual horietako askotan, espazio guztiak ikus ditzakezu, baita eraikinaren sarreratik ere.

Arrapala baten bidez sartzen da Planetariora. % 8tik beherako malda du arrapalak. Barruan, igogailu bat dago solairu guztiak komunikatzeko, eta desnibelak gainditzeko arrapalak ere badaude. Erakusketa-aretoak nahiko zabalak dira, baina batek malda txiki bat du. Komun egokitua -1 solairuan dago. Barrualdean biratzeko espazioa metro batekoa da.  Komunak barra eraisgarria du ezkerraldean, eta finkoa, eskuinaldean.

Iruñeko Kale Nagusian kokatuta dago, eta irisgarritasun unibertsaleko irizpideekin diseinatu zen; beraz, irisgarritasun fisikoa hainbat neurriren bidez bermatu da. Sarbidea laua da kaletik. Barnealdeak biraketa nahikoak egiteko aukera ematen du, eta desnibelak araudiaren araberako arrapalen bidez gainditzen dira. Sarrerako informazio-mahaiak baxu du gaina, eta aurrez hurbildu daitezke gurpil-aulkiak. Komun irisgarria du.

Igogailua du, ez oso zabala, hiru solairuetara joateko. Gainera, liburuxka bat du erakusketako testuekin, gurpil-aulkiak erabiltzen dituztenek testuak irakurri ahal ditzaten, zentroan mugitzeko arazoak badituzte. Ikus-entzunezko interesgarri bat dago beheko solairuan. Komun egokitu bat ere badago.

Leitzan dago museo-parke hau, eta perurenatarrena da. Omenaldia egin nahi die herri-kirolei Bisita Gorrittenea baserriko beheko solairuan hasten da. Erakusketa-areto bat dago han, non ikus-entzunezkoak proiektatzen baitira. Komuna solairu horretan bertan dago, eta ez da oso irisgarria; izan ere, atea barrurantz irekitzen da, ezin da aurrez hurbildu konketara eta komunontziak barra bakarra du. 

Aspalditik ari dira lanean museo honetan ingurunea pertsona guztientzat irisgarria izan dadin. Museo osoa beheko solairuan dago. Komun egokituak transferentzia-barra bakarra du, hormaren aldean. Aztarnategi arkeologikoaren irisgarritasun fisikoa lortzeko, hartxintxarrezko bideen ordez egurrezko pasabideak jarri dira. 

Arellanoko antzinako villa honetarako sarbidea irisgarria da; lehen, hartxintxar trinkotuzko zorua du, eta gero, hormigoi erretikulatuzkoa. Barrualdean, hegal-plataforma bat jarri dute, eta, hari esker, ibilbide perimetral osoa egin daiteke, aztarnategira jaitsi beharrik gabe. Sarezko zorua du plataformak, laua, desnibelik gabea eta biraketa-eremu nahikoak dituena. Bertan, eserleku batzuk daude atseden hartzeko. Komunak aparkaleku-eremuan daude, eta 2 kabina egokitu dituzte (biraketa-tartea 117 cm-koa da)